ലണ്ടന്‍: ഇന്ത്യയ്‌ക്കെതിരായ നാലാം ടെസ്റ്റില്‍ ടോസ് കിട്ടിയ ഇംഗ്ലണ്ട് ബൗളിങ് തെരഞ്ഞെടുത്തു. കഴിഞ്ഞ ടെസ്റ്റില്‍ നിന്ന് വ്യത്യസ്തമായി മൂന്ന് മാറ്റങ്ങളുമായാണ് ഇന്ത്യന്‍ ടീം ബാറ്റിങ്ങിന് ഇറങ്ങുന്നത്.
കരുണ്‍ നായരിന് പകരം സായ് സുദര്‍ശന്‍ ടീമില്‍ ഇടംനേടി. കഴിഞ്ഞ കളികളിലെ മോശം പ്രകടനമാണ് കരുണ്‍ നായര്‍ക്ക് വിനയായത്. പരിക്കേറ്റ ആകാശ് ദീപിന് പകരം പേസര്‍ അന്‍ഷുല്‍ കാംബോജ് കളിക്കും. അന്‍ഷുല്‍ കാംബോജിന്റെ ടെസ്റ്റ് അരങ്ങേറ്റത്തിനാണ് മാഞ്ചസ്റ്റര്‍ സാക്ഷ്യം വഹിക്കാന്‍ പോകുന്നത്. പരമ്പരയിലെ ആദ്യ മത്സരത്തിലെ മോശം പ്രകടനത്തെ തുടര്‍ന്ന് ടീമില്‍ നിന്ന് പുറത്തായ ബി സായ് സുദര്‍ശന്‍ മടങ്ങിയെത്തിയിരിക്കുകയാണ്.
ഓള്‍റൗണ്ടറുടെ റോളില്‍ നിതീഷ് റെഡ്ഡിക്ക് പകരക്കാരനായി ശാര്‍ദുല്‍ ഠാക്കൂറിനെയാണ് ടീമില്‍ ഉള്‍പ്പെടുത്തിയിരിക്കുന്നത്. പരിക്കേറ്റതിനെ തുടര്‍ന്നാണ് നിതീഷ് കുമാര്‍ റെഡ്ഡിയെ മാറ്റിയത്. ഇതുവരെയുള്ള മൂന്ന് മത്സരങ്ങളില്‍ 33 കാരനായ കരുണ്‍ നായരുടെ സംഭാവന 0, 20, 31, 26, 40, 14 എന്നിങ്ങനെയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
