സച്ചിനെ വീണ്ടും മറികടന്ന് കോഹ്‌ലി; മറ്റൊരു റെക്കോർഡ് കൂടി  

ഗുവാഹത്തി: ഹോം ഗ്രൗണ്ടിലെ സച്ചിന്റെ സെഞ്ചുറികളുടെ ലോക റെക്കോർഡ് മറികടന്ന് വിരാട് കോഹ്‌ലി. കാര്യവട്ടം ഏകദിനത്തിൽ കോഹ്‌ലി
സെഞ്ചുറി നേടിയതോടെയാണ് സച്ചിന്റെ റെക്കോർഡ് പഴങ്കഥയായത്. ഗുവാഹത്തി ഏകദിനത്തിൽ ശ്രീലങ്കയ്‌ക്കെതിരെ സെഞ്ചുറി തികച്ചതോടെ
സച്ചിനൊപ്പം എത്തിയ കോഹ്‌ലി ഇന്ന് വീണ്ടും സെഞ്ചുറി നേടിയതോടെയാണ് സച്ചിന്റെ റെക്കോർഡ് മറികടന്നത്.

ഹോം ഗ്രൗണ്ടിൽ ഏകദിനത്തിൽ സച്ചിന്റെ 20 സെഞ്ചുറികളുടെ  റെക്കോർഡ് ആണ് കോഹ്‌ലി മറികടന്നത്. ശ്രീലങ്കയ്‌ക്കെതിരായ മൂന്ന് മത്സരങ്ങളുടെ പരമ്പരയിൽ രണ്ട് സെഞ്ചുറി നേടിയാണ് കോഹ്‌ലി സച്ചിന്റെ റെക്കോർഡ് മറികടന്നത്. ഏകദിനത്തിലും ടെസ്റ്റിലുമായി കോഹ്‌ലിയുടെ 74-ാം സെഞ്ചുറിയാണിത്. 

വേഗത്തിൽ 12500 റൺസ് തികച്ച ബാറ്ററാണ് കോഹ്‌ലി. 257 ഇന്നിംഗ്്‌സുകളിലാണ് ഈ നേട്ടം. ഏകദിനത്തിൽ കോഹ്‌ലിയുടെ 46-ാം സെഞ്ചുറിയാണിത്. ഏകദിനത്തിൽ ശ്രീലങ്കയ്‌ക്കെതിരെ ഏറ്റവുമധികം സെഞ്ചുറി നേടിയ ഇന്ത്യൻ താരം എന്ന സച്ചിന്റെ റെക്കോർഡും കോഹ്‌ലി കഴിഞ്ഞദിവസം മറികടന്നിരുന്നു. ശ്രീലങ്കയ്‌ക്കെതിരെ ​ഗുവാഹത്തി ഏകദിനത്തിൽ സെഞ്ചുറി നേടിയതോടെയാണ് സച്ചിന്റെ റെക്കോർഡ് മറികടന്നത്. നിലവിൽ ശ്രീലങ്കയ്ക്കെതിരെ കോഹ് ലിയുടെ സെഞ്ചുറികളുടെ എണ്ണം പത്തായി.  കാര്യവട്ടം ഏകദിനത്തിൽ 85 പന്തിലാണ് കോഹ്‌ലിയുടെ സെഞ്ചുറി.

ഈ വാര്‍ത്ത കൂടി വായിക്കൂ 

81 ഫോര്‍, 18 സിക്‌സ്; 178 പന്തില്‍ 508 റണ്‍സ്! അമ്പരപ്പിക്കുന്ന ബാറ്റിങ്; റെക്കോര്‍ഡുകളുടെ പെരുമഴ തീര്‍ത്ത് 13കാരന്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ