ദുബായ്: ഇന്ത്യക്കെതിരായ ടി20 ലോകകപ്പ് പോരാട്ടത്തിനുള്ള പാകിസ്ഥാന്‍ ടീമിനെ പ്രഖ്യാപിച്ചു. 12 അംഗ സംഘത്തെയാണ് ഇപ്പോള്‍ പ്രഖ്യാപിച്ചിരിക്കുന്നത്. വെറ്ററന്‍ താരങ്ങളായ ഷൊയ്ബ് മാലിക്, മുഹമ്മദ് ഹഫീസ് എന്നിവര്‍ ടീമില്‍ ഇടം പിടിച്ചു.
പരിചയ സമ്പത്തും യുവത്വവും
പരിചയ സമ്പത്തും യുവത്വവും ഇട കലര്‍ത്തിയുള്ള ടീമിനെയാണ് പാകിസ്ഥാന്‍ നിര്‍ണായക പോരാട്ടത്തിനായി കളത്തിലിറക്കുന്നത്. മാലിക്കിനും ഹഫീസിനും ബാറ്റിങില്‍ കരുത്ത് പകരാന്‍ സാധിക്കുമെന്ന പ്രതീക്ഷയാണ് ടീമിനുള്ളത്.
ബൗളിങില്‍ മികച്ച ഫോമിലുള്ള ഷഹീന്‍ അഫ്രീദി, ഹസന്‍ അലി എന്നിവരും ടീമിലുണ്ട്. അവസാന ഘട്ടത്തില്‍ ആസിഫ് അലി, ഹസന്‍ അലി എന്നിവരില്‍ ഒരാളെയാകും പുറത്തിരുത്തുക.
നാളെയാണ് ചിരവൈരികളായ ഇന്ത്യയും പാകിസ്ഥാനും നേര്‍ക്കുനേര്‍ വരുന്നത്. ദുബായ് അന്താരാഷ്ട്ര സ്റ്റേഡിയത്തില്‍ ഇന്ത്യന്‍ സമയം വൈകീട്ട് 7.30 മുതലാണ് ആരാധകര്‍ കാത്തിരുന്ന പോരാട്ടം.
ടീം: ബാബര്‍ അസം (ക്യാപ്റ്റന്‍), ആസിഫ് അലി, ഫഖര്‍ സമാന്‍, ഹൈദര്‍ അലി, മുഹമ്മദ് റിസ്വാന്‍, ഇമദ് വാസിം, മുഹമ്മദ് ഹഫീസ്, ഷദാബ് ഖാന്‍, ഷൊയ്ബ് മാലിക്, ഹാരിസ് റൗഫ്, ഹസന്‍ അലി, ഷഹീന്‍ ഷാ അഫ്രീദി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
