'സ്വർണം' വാരിയെടുത്ത് ഇന്ത്യ! ജന്തർ മന്തറിൽ വൻ പ്രതിഷേധം, മുൻ മന്ത്രിയെ ചോദ്യം ചെയ്തു... ഇന്നത്തെ 5 പ്രധാന വാർത്തകൾ

ഏഷ്യന്‍ ഗെയിംസ് വനിതാ ഹോക്കിയില്‍ ഇന്ത്യ സുവര്‍ണ നേട്ടം സ്വന്തമാക്കി പുതു ചരിത്രമെഴുതി. 44 വര്‍ഷമായി കാത്തിരിക്കുന്ന സ്വര്‍ണ മെഡല്‍ ഒടുവില്‍ ഇന്ത്യ പിടിച്ചെടുക്കുകയായിരുന്നു. ഫൈനലില്‍ ചൈനയെ 1-0ത്തിനു വീഴ്ത്തിയാണ് ഇന്ത്യന്‍ വനിതാ സംഘം അഭിമാന നേട്ടത്തിലെത്തിയത്. 1982ല്‍ വനിതാ ടീം ഏഷ്യന്‍ ഗെയിംസ് സ്വര്‍ണം സ്വന്തമാക്കിയ ശേഷം ആദ്യമായാണ് ഈയിനത്തിലെ ഇന്ത്യയുടെ സുവര്‍ണ മുന്നേറ്റം.

44 വര്‍ഷമായി കാത്തിരിക്കുന്ന സ്വര്‍ണ മെഡല്‍ ഒടുവില്‍ ഇന്ത്യ പിടിച്ചെടുത്തു.

ഏഷ്യന്‍ ഗെയിംസില്‍ സുവര്‍ണ മുന്നേറ്റം തുടര്‍ന്ന് ഇന്ത്യ. ബോക്‌സിങിലും ഗുസ്തിയിലുമായി ഇന്ത്യ അര മണിക്കൂറിനിടെ സ്വന്തമാക്കിയത് 3 സ്വര്‍ണ മെഡലുകള്‍. 

മുഖ്യതിരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ദേശീയ തലസ്ഥാനമായ ഡൽഹിയിലെ ജന്തർ മന്തറിൽ പ്രതിപക്ഷ പാർട്ടികളുടെയും യുവജന-വിദ്യാർത്ഥി സംഘടനകളുടെയും നേതൃത്വത്തിൽ വൻ പ്രതിഷേധം.

അര്‍ജന്റീന ഇതിഹാസ താരം ലയണല്‍ മെസിയെ കേരളത്തിലെത്തിക്കുമെന്ന് പറഞ്ഞ് സാമ്പത്തിക തട്ടിപ്പു നടത്തിയെന്ന കേസില്‍ മുന്‍ കായികമന്ത്രി വി അബ്ദുറഹിമാനെ പ്രത്യേക അന്വേഷണ സംഘം ചോദ്യം ചെയ്തു.

ദുബായിൽ നിന്ന് ഇസ്രയേലിലേക്ക് പറക്കവേ പ്രധാന പൈലറ്റിനെ കുത്തിപ്പരിക്കേൽപ്പിച്ച് വിമാനം തകർക്കാൻ ശ്രമിച്ച ഫ്ലൈ ദുബായ് സഹപൈലറ്റ് മതതീവ്രവാദ സ്വഭാവം പുലർത്തിയിരുന്ന ആളാണെന്ന് വെളിപ്പെടുത്തൽ.