ഇന്ന് വലിയ ഭാഗ്യമുള്ള ദിവസം; ഈ നക്ഷത്രക്കാർക്ക് യാത്രകൾ ഗുണകരം

ഇന്നത്തെ നക്ഷത്രഫലം – 3-11-2025

ഡോ: പി. ബി.രാജേഷ്

Updated:3rd Nov, 2025 at 6:10 AM

മേടം (അശ്വതി, ഭരണി, കാർത്തിക ¼)

കുടുംബത്തിനു വേണ്ടിയുള്ള ചിലവുകൾ അധികമാകും.വീട്ടിൽ നിന്നും മാറി നിൽക്കേണ്ടി വരാനും ഇടയുണ്ട്. ചില കാര്യങ്ങൾ ഭാഗ്യം കൊണ്ട് നേടാൻ കഴിയും. ആരോഗ്യം നന്നായി ശ്രദ്ധിക്കുക.

ഇടവം (കാർത്തിക ¾, രോഹിണി, മകയിരം ½)

സാമ്പത്തികമായി മികച്ച ദിവസമാണ് ഇന്ന്. പ്രാർത്ഥനകളും വഴിപാടുകളും മുടങ്ങാതെ നടത്താൻ ശ്രദ്ധിക്കുക. സ്വയം ചെയ്യുന്ന കാര്യങ്ങളെല്ലാം വിജയിപ്പിക്കാൻ കഴിയും.

മിഥുനം (മകയിരം ½, തിരുവാതിര, പുണർതം ¾)

തൊഴിൽ രംഗത്ത് അനുകൂലമായ പല മാറ്റങ്ങളും ഇന്ന് പ്രതീക്ഷിക്കാം. പഠന യാത്രകൾക്ക് തയ്യാറാകും. സാമ്പത്തിക നില ഭദ്രമായി തുടരും. കുടുംബത്തിൽ ഒരു മംഗള കർമ്മം നടക്കാം.

കർക്കടകം (പുണർതം ¼, പൂയം, ആയില്യം)

വലിയ ഭാഗ്യങ്ങൾ ഉണ്ടാകുന്നത് ദിവസമാണ് ഇന്ന്. പങ്കാളിയുടെ നിലപാടുകൾ അനുകൂലമായി മാറും. കുടുംബജീവിതം സന്തോഷം നിറഞ്ഞതാകും. പൊതുവേ ഈശ്വരാധീനം ഉള്ള കാലമാണ്.

Also read:ആത്മവിശ്വാസവും ധൈര്യവും കൂട്ടാം, നവരത്‌നങ്ങളില്‍ ഏറ്റവും ദിവ്യശോഭ; അറിയാം മാണിക്യം ധരിക്കേണ്ട സമയം

ചിങ്ങം (മകം, പൂരം, ഉത്രം ¼)

പല കാര്യങ്ങൾക്കും തടസ്സമുണ്ടാകും എങ്കിലും ചില കാര്യങ്ങൾ ശരിയാകാനും സാധ്യതയുണ്ട്. തീർത്ഥയാത്രകൾ നടത്താൻ യോഗം കാണുന്നു. ധനനഷ്ടം വരാതിരിക്കാൻ പ്രത്യേകം ശ്രദ്ധിക്കുക.

കന്നി (ഉത്രം ¾, അത്തം, ചിത്തിര ½)

വളരെയധികം ഈശ്വരാനുകൂല്യമുള്ള കാലമാണ്. ഏറെ നാളായി കാത്തിരുന്ന ചില കാര്യങ്ങളുടെ നേടിയെടുക്കാൻ സാധിക്കും. ജലദോഷം പനി മുതലായ ചെറിയ അസുഖങ്ങൾ പിടിപെടാം.

തുലാം (ചിത്തിര ½, ചോതി, വിശാഖം 3/4)

പൊതുവേ അലസത അധികമായി തോന്നുന്ന ദിവസമാണിന്ന്. എതിരാളികളിൽ നിന്നും ചില ഉപദ്രവങ്ങൾ ഉണ്ടാകാം. മനക്ലേശം വർദ്ധിക്കും. സാമ്പത്തിക ഞെരുക്കം ഉണ്ടാകും.

വൃശ്ചികം (വിശാഖം1/4, അനിഴം, തൃക്കേട്ട)

വളരെയധികം ഉത്സാഹം തോന്നുന്ന ദിവസമാണ് ഇന്ന്. സാമ്പത്തിക നില മെച്ചപ്പെടും. പങ്കാളിയുടെ സഹായം ഉണ്ടാകും. ഈശ്വരാധീനമുള്ള കാലമായ തിനാൽ ഒന്നുകൊണ്ടും ഭയപ്പെടാനില്ല.

Also read:'ആയിരം പൂര്‍ണചന്ദ്രന്മാരെ കാണാനാവട്ടെ', പിറന്നാള്‍ ആഘോഷ വേളയിലെ ഈ വാചകത്തിന്റെ അര്‍ത്ഥമെന്ത്?, വയസ് എത്രയാണ്?

ധനു (മൂലം, പൂരാടം, ഉത്രാടം ¼)

കുടുംബത്തിൽ ഒരു മംഗള കർമ്മം നടക്കും. വീട് വാങ്ങാനോ നിർമ്മിക്കാനോ തീരുമാനിക്കും. യാത്രകൾ ഗുണകരമായി മാറും. പ്രാർത്ഥനകൾ മുടങ്ങാതെ നടത്തുക. ആരോഗ്യം തൃപ്തികരമാണ്.

മകരം (ഉത്രാടം ¾, തിരുവോണം, അവിട്ടം ½)

വലിയ ദൈവാധീനമുള്ള കാലമായതിനാൽ പല കാര്യങ്ങളും ആഗ്രഹിക്കുന്ന പോലെ ചെയ്തു തീർക്കാൻ കഴിയും. വരുമാനത്തിൽ വർദ്ധനവ് പ്രതീക്ഷിക്കാം. ആരോഗ്യം തൃപ്തികരമാണ്.

കുംഭം (അവിട്ടം ½, ചതയം, പൂരുരുട്ടാതി ¾)

സാമ്പത്തിക നില ഭദ്രമായി തുടരും. ആരോഗ്യ കാര്യത്തിൽ പ്രത്യേകം ശ്രദ്ധിക്കുക. പ്രാർത്ഥനകൾ മുടങ്ങാതെ നടത്തുക. പരീക്ഷയിൽ ഉന്നത വിജയം നേടും. ഭാഗ്യ പരീക്ഷണങ്ങൾക്ക് സമയം നന്നല്ല.

മീനം (പൂരുരുട്ടാതി ¼, ഉത്രട്ടാതി, രേവതി)

എല്ലാ കാര്യങ്ങളും ഉത്സാഹത്തോടെ ചെയ്തു തീർക്കാൻ കഴിയും. ബന്ധുക്കളെ കൊണ്ട് വലിയ നേട്ടങ്ങൾ പ്രതീക്ഷിക്കാം. കുടുംബജീവിതം ഊഷ്മളമായിരിക്കും. ആരോഗ്യം തൃപ്തികരമാണ്.

ഇന്ന് വലിയ ഭാ​ഗ്യമുള്ള ദിവസം; ഈ നക്ഷത്രക്കാർക്ക് യാത്രകൾ ​ഗുണകരം