മേടക്കൂറ് (അശ്വതി, ഭരണി, കാർത്തിക 1/4)

സാമ്പത്തിക ബാധ്യത തീർക്കാൻ വഴിതെളിയും. മത്സര പരീക്ഷകളിൽ ആത്മവിശ്വാസത്തോടെ മുന്നേറാൻ കഴിയും. സഹോദരങ്ങളുമായി ബന്ധപ്പെട്ട കാര്യങ്ങളിൽ ഉത്തരവാദിത്വം ഏറ്റെടുക്കും.

ഇടവക്കൂറ് (കാർത്തിക 3/4, രോഹിണി, മകയിരം 1/2)

കലാ-സാംസ്കാരിക പ്രവർത്തനങ്ങളിൽ സജീവമാകും. കൃഷിയുമായി ബന്ധപ്പെട്ട കാര്യങ്ങളിൽ പ്രതീക്ഷ നൽകുന്ന പുരോഗതിയുണ്ടാകും. ബന്ധുക്കളുമായുള്ള കൂടിക്കാഴ്ച സന്തോഷം പകരും.

മിഥുനക്കൂറ് (മകയിരം 1/2, തിരുവാതിര, പുണർതം 3/4)

മാധ്യമരംഗത്തും എഴുത്തുപ്രവർത്തനങ്ങളിലും ഏർപ്പെട്ടിരിക്കുന്നവർക്ക് ശ്രദ്ധേയമായ നേട്ടമുണ്ടാകും. സാങ്കേതികവിദ്യയുമായി ബന്ധപ്പെട്ട കാര്യങ്ങളിൽ പ്രയോജനം ലഭിക്കും.

കർക്കടകക്കൂറ് (പുണർതം 1/4, പൂയം, ആയില്യം)

കുടുംബത്തിലെ മുതിർന്നവരുടെ ആരോഗ്യ കാര്യങ്ങളിൽ കൂടുതൽ ശ്രദ്ധ നൽകും. കടം കൊടുത്ത പണം തിരിച്ചു കിട്ടുംസഹകരണ സ്ഥാപനങ്ങളുമായി ബന്ധപ്പെട്ട പ്രവർത്തനങ്ങളിൽ നേട്ടമുണ്ടാകും.

ചിങ്ങക്കൂറ് (മകം, പൂരം, ഉത്രം 1/4)

പൊതുരംഗത്ത് പ്രവർത്തിക്കുന്നവർക്ക് ശ്രദ്ധയും പ്രശംസയും ലഭിക്കും. കായികരംഗത്തുള്ളവർക്ക് നേട്ടം കൈവരിക്കാൻ കഴിയും. യാത്രയ്ക്കിടയിൽ പ്രയോജനകരമായ ഒരു പരിചയമുണ്ടാകും.

കന്നിക്കൂറ് (ഉത്രം 3/4, അത്തം, ചിത്തിര 1/2)

വിദേശത്ത് പഠിക്കുന്നവരുടെ കാര്യത്തിൽ അനുകൂലമായ മാറ്റമുണ്ടാകും. സാമ്പത്തിക വിഷയങ്ങളിൽ പരിഹാരമുണ്ടാകും. മകളുടെ നേട്ടം അഭിമാനത്തിന് കാരണമാകും. തീർത്ഥയാത്ര നടത്തും.

തുലാക്കൂറ് (ചിത്തിര 1/2, ചോതി, വിശാഖം 1/4)

പുതിയ സാങ്കേതികവിദ്യകൾ ഉപയോഗിച്ച് തൊഴി ൽ മെച്ചപ്പെടുത്താൻ കഴിയും. കലാരംഗത്തുള്ളവർക്ക് വേദികൾ ലഭിക്കും. പഴയ സുഹൃത്തുമായുള്ള പുനഃസമാഗമം സന്തോഷകരമാകും.

വൃശ്ചികക്കൂറ് (വിശാഖം 3/4, അനിഴം, തൃക്കേട്ട)

നിയമപരമായ കാര്യങ്ങളിൽ അനുകൂല നീക്കങ്ങളുണ്ടാകും. വിദേശത്ത് ജോലി ചെയ്യുന്നവരുടെ താമസസൗകര്യവുമായി ബന്ധപ്പെട്ട പ്രശ്നങ്ങൾ പരിഹരിക്കപ്പെടും. സ്വർണം വാങ്ങും.

ധനുക്കൂറ് (മൂലം, പൂരാടം, ഉത്രാടം 1/4)

ഉന്നത ഉദ്യോഗസ്ഥരുമായി നടത്തുന്ന ചർച്ചകൾ പ്രയോജനകരമാകും. പുതിയ പരിശീലന പരിപാടികളിൽ പങ്കെടുക്കാൻ കഴിയും. സഹപ്രവർത്തകരുടെ ഭാഗത്തുനിന്നുള്ള പിന്തുണ ലഭിക്കും.

മകരക്കൂറ് (ഉത്രാടം 3/4, തിരുവോണം, അവിട്ടം 1/2)

കെട്ടിടനിർമാണവുമായി ബന്ധപ്പെട്ട പ്രവർത്തനങ്ങൾക്ക് വേഗം കൂടും. കുടുംബത്തിലെ കുട്ടികളുടെ കലാപരമായ കഴിവുകൾക്ക് പ്രോത്സാഹനം നൽകും. ഉല്ലാസ യാത്ര ചെയ്യും.

കുംഭക്കൂറ് (അവിട്ടം 1/2, ചതയം, പൂരുരുട്ടാതി 3/4)

ഗവേഷണരംഗത്തും പുതിയ പഠനമേഖലകളിലും താൽപര്യം വർധിക്കും. പങ്കാളിത്തസംരംഭങ്ങളിലെ വരവ് ചെലവ് കണക്കുകൾ ക്രമീകരിക്കും. പുതിയ സൗഹൃദങ്ങൾ കൊണ്ട് നേട്ടം ഉണ്ടാകും.

മീനക്കൂറ് (പൂരുരുട്ടാതി 1/4, ഉത്രട്ടാതി, രേവതി)

ആത്മീയ യാത്രകൾക്കും തീർത്ഥാടനങ്ങൾക്കും അവസരമൊരുങ്ങും. കലാപരമായ കഴിവുകൾക്ക് അംഗീകാരം ലഭിക്കും. കുട്ടികളില്ലാത്ത ദമ്പതികൾക്ക് സന്താനഭാഗ്യം ഉണ്ടാകും.