മേടം (അശ്വതി, ഭരണി, കാർത്തിക ¼)

സാമ്പത്തികമായി പ്രയോജനപ്പെടുന്ന ഒരു പുതിയ അവസരം മുന്നിലെത്തും. സുഹൃത്തിൽ നിന്ന് ലഭിക്കുന്ന വിവരം നിങ്ങളുടെ ആശങ്ക മാറ്റും. മാറ്റി വച്ചിരുന്ന ഒരു യാത്രയ്ക്ക് സാധ്യത തെളിയും.

ഇടവം (കാർത്തിക ¾, രോഹിണി, മകയിരം ½)

പ്രണയബന്ധത്തിൽ സന്തോഷം നൽകുന്ന ഒരു മാറ്റമുണ്ടാകും. ഒരു പ്രധാനപ്പെട്ട രേഖ കൈമാറുന്നതിൽ ജാഗ്രത പാലിക്കുക. ഒരാളുടെ സഹായം നിർണായക സമയത്ത് ലഭിക്കും.

മിഥുനം (മകയിരം ½, തിരുവാതിര, പുണർതം ¾)

മത്സരപരീക്ഷയിൽ മികച്ച പ്രകടനം കാഴ്ചവയ്ക്കാൻ കഴിയും. ബന്ധുവിൽ നിന്ന് ഏറെ സന്തോഷം നൽകുന്ന വാർത്ത ലഭിക്കും. നിങ്ങളുടെ കഴിവിനെ വിലമതിക്കുന്ന ഒരാളെ പരിചയപ്പെടും.

കർക്കടകം (പുണർതം ¼, പൂയം, ആയില്യം)

ആരോഗ്യകാര്യത്തിൽ നേരത്തെ എടുത്ത ഒരു മുൻകരുതലിന്റെ ഗുണം ലഭിക്കും. വിവാഹ കാര്യത്തിൽ പ്രതീക്ഷയ്ക്ക് വക നൽകുന്ന നീക്കം ഉണ്ടാകും. ഒരു തുക കൈയിലെത്താം.

ചിങ്ങം (മകം, പൂരം, ഉത്രം ¼)

നിങ്ങളുടെ നിർദേശം ഒരു പ്രധാന തീരുമാനത്തിൽ സ്വാധീനം ചെലുത്തും. സഹോദരന് ആവശ്യമായ സമയത്ത് പിന്തുണ നൽകും. ലഭിക്കുന്ന അംഗീകാരം ആത്മവിശ്വാസം വർധിപ്പിക്കും.

കന്നി (ഉത്രം ¾, അത്തം, ചിത്തിര ½)

പഠനത്തിൽ പുതിയൊരു രീതിയിലൂടെ മികച്ച പുരോഗതി നേടും. പ്രിയപ്പെട്ട വ്യക്തിയുമായുള്ള തെറ്റിദ്ധാരണ മാറും. വിലപിടിപ്പുള്ള വസ്തു വാങ്ങു ന്നതിന് മുമ്പ് ഗുണനിലവാരം പരിശോധിക്കുക.

തുലാം (ചിത്തിര ½, ചോതി, വിശാഖം ¼)

വ്യാപാരത്തിൽ പുതിയൊരു ഇടപാടിന് തുടക്കമാകും. യാത്രയ്ക്കിടെ പരിചയപ്പെടുന്ന വ്യക്തിയെ കൊണ്ട് ചില നേട്ടം ഉണ്ടാകും. പഴയ രേഖകൾ ഭദ്രമായി സൂക്ഷിച്ചു വയ്ക്കുക.

വൃശ്ചികം (വിശാഖം ¾, അനിഴം, തൃക്കേട്ട)

എതിരാളിയുടെ നീക്കം മുൻകൂട്ടി മനസ്സിലാക്കുന്നതിനാൽ നഷ്ടം ഒഴിവാക്കാം. നിയമപരമായ കാര്യത്തിൽ പ്രതീക്ഷ നൽകുന്ന വിവരം ലഭിക്കും. പങ്കാളിക്ക്‌ നിങ്ങളുടെ പിന്തുണ ആവശ്യമായി വരും.

ധനു (മൂലം, പൂരാടം, ഉത്രാടം ¼)

വിദേശത്തുനിന്നു ഒരു പുതിയ സാധ്യത തുറക്കും. ഭക്ഷണകാര്യത്തിൽ നിയന്ത്രണം പാലിക്കുന്നത് ആരോഗ്യത്തിന് ഗുണം ചെയ്യും. വാഹനവുമായി ബന്ധപ്പെട്ട ഒരു തടസ്സം പരിഹരിക്കപ്പെടും.

മകരം (ഉത്രാടം ¾, തിരുവോണം, അവിട്ടം ½)

നിക്ഷേപവുമായി ബന്ധപ്പെട്ട് നല്ലൊരു അവസരം ശ്രദ്ധയിൽപ്പെടും. മക്കളുടെ നേട്ടം അഭിമാനത്തിന് കാരണമാകും. ഏറെക്കാലമായി ആഗ്രഹിച്ചിരുന്ന ഒരു സാധനം സ്വന്തമാക്കാൻ സാധിക്കും.

കുംഭം (അവിട്ടം ½, ചതയം, പൂരുരുട്ടാതി ¾)

സുഹൃത്തിന്റെ സഹായത്തോടെ പ്രധാനപ്പെട്ടൊരു കാര്യം പൂർത്തിയാക്കും. അപ്രതീക്ഷിതമായ സാമ്പത്തിക ബാധ്യത ഒഴിവാക്കാൻ കഴിയും. സാമൂഹികമായി പുതിയൊരു പരിചയം ലഭിക്കും.

മീനം (രേവതി, പൂരുരുട്ടാതി ¼, ഉത്രട്ടാതി)

വിവാഹാലോചനയിൽ പുരോഗതിയുണ്ടാകും. ദൂരെയുള്ള ബന്ധുവിൽനിന്ന് സന്തോഷകരമായ വാർത്ത ലഭിക്കും. അലട്ടികൊണ്ടിരുന്ന ഒരു പ്രശ്നത്തിന് പരിഹാരം കണ്ടെത്തും