നവംബര്‍ 19ന് രാത്രി 8:56 മുതല്‍ അനിഴം ഞാറ്റുവേലയാണ്. നവംബര്‍ 21ന് ഹേമന്ത ഋതു ആരംഭിച്ചു. നവംബര്‍ 23 മുതല്‍ കാണുന്ന ബുധ ശുക്രയോഗം ന്യൂനമര്‍ദ്ദ സാധ്യതയും നല്ല മഴയും പറയാവുന്ന ഗ്രഹ ഘടനയാണ്. നവംബര്‍ 24 മേല്‍പ്പുത്തൂര്‍ നാരായണ ഭട്ടതിരി ദിനവും വര ചതുര്‍ത്ഥി ദിനവുമായി ആചരിക്കുന്നു. നവംബര്‍ 26 കുമാര ഷഷ്ഠിയാണ്. നവംബര്‍ 26 ന് ശുക്രന്‍ വൃശ്ചിക രാശിയിലേയ്ക്ക് മാറും. നവംബര്‍ 29 മിഥിലാഷ്ടമിയും നവംബര്‍ 30 പ്രളയ കല്പാദിയും ആണ്. ഡിസംബര്‍ 1നാണ് ഗുരുവായൂര്‍ ഏകാദശി.
ഈ നക്ഷത്രങ്ങളില്‍ ജനിച്ചവര്‍ക്ക് പൊതുവെ ഇക്കാലം നല്ല സമയമാണ്. വിവാഹാദികള്‍ക്ക് ശ്രമിക്കുന്നവര്‍ക്ക് ഏറ്റവും അനുകൂലമായ കാലം കൂടിയാണ്. ക്രയവിക്രയങ്ങളില്‍ ഗുണാനുഭവങ്ങള്‍, ഭവന നിര്‍മ്മാണം, വാഹന ലാഭം, കൃഷിയില്‍ ഗുണങ്ങള്‍, അധികാര പ്രാപ്തി, ഉദ്ദിഷ്ട കാര്യസിദ്ധി എന്നിവയ്ക്കെല്ലാം യോഗമുണ്ട്.
ഈ നക്ഷത്രക്കാര്‍ക്ക് ഗുണദോഷ സമ്മിശ്രമായ സമയമാണ്. സഹോദര ഗുണം, വിദ്യാഗുണം, നാടിന്റെ പുരോഗതിക്കായുള്ള പ്രവര്‍ത്തനങ്ങള്‍, പല വിധത്തില്‍ ധനലാഭം, ഭൂമി ലാഭം എന്നിവയ്ക്കെല്ലാം യോഗമുണ്ട്. അവിചാരിതമായ യാത്രകള്‍ക്കും യോഗമുണ്ട്.
ഈ നക്ഷത്രത്തില്‍ ജനിച്ചവര്‍ക്ക് ഈ കാലം പ്രായേണ ഗുണകരമാണ്. വേദാന്താദി ശാസ്ത്ര ഗ്രന്ഥങ്ങളില്‍ താല്പര്യം, ഉദ്ദിഷ്ട കാര്യസിദ്ധി, ഗവേഷപഠനങ്ങളിലേര്‍പ്പെട്ടവര്‍ക്ക് ഗുണാനുഭവങ്ങള്‍, സമ്പദ് സമൃദ്ധി, എന്നിവയെക്കല്ലാം യോഗമുണ്ട്.
ഈ നക്ഷത്രക്കാര്‍ക്ക് ഇക്കാലം നല്ല സമയമാണ്. സാംസ്‌ക്കാരിക രംഗത്ത് പ്രവര്‍ത്തിക്കുന്നവര്‍ക്ക് പലതരത്തില്‍ ഗുണാനുഭവം വിദ്യാര്‍ത്ഥികള്‍ക്കും ഗവേഷകര്‍ക്കും ധാരാളം അറിവുകള്‍ നേടാനവസരം എന്നിവയ്ക്കും യോഗമുണ്ട്. വിവാഹാദി മംഗളകര്‍മ്മങ്ങള്‍ക്കും സന്താന ഗുണത്തിനും കൂടി യോഗമുള്ള സമയമാണ്.
മനസ്സില്‍ വിചാരിക്കുന്ന കാര്യങ്ങള്‍ക്കെല്ലാം പ്രാവര്‍ത്തിക മേഖലകളില്‍ തടസ്സങ്ങള്‍ക്ക് സാധ്യതയുണ്ടെങ്കിലും ഉണര്‍ന്ന് പ്രവര്‍ത്തിച്ചാല്‍ വിജയിക്കുന്ന സമയം തന്നെയാണ്. വീഴ്ച, ശരീരത്തില്‍ മുറിവുകള്‍, തീപ്പൊള്ളലേല്‍ക്കാനിടവരിക, നാല്‍ക്കാലികളില്‍ നിന്ന് ഉപദ്രവം എന്നിവയ്ക്കും യോഗമുണ്ട്.
ഈ നക്ഷത്രക്കാര്‍ക്ക് ഉദ്ദിഷ്ടകാര്യസിദ്ധി, ധനലാഭം, ഭൂമീലാഭം, ഐശ്വര്യം, പ്രതാപം, നാല്‍ക്കാലി വര്‍ദ്ധനം, ക്രയവിക്രയങ്ങളില്‍ ലാഭം എന്നിവയ്ക്ക് യോഗം കാണുന്നുണ്ട്. കലാ സാഹിത്യ രംഗത്തുള്ളവര്‍ക്കും ഗൃഹാരംഭത്തിന് ശ്രമിക്കുന്നവര്‍ക്കും നല്ല സമയമാണ്. വിദ്യാര്‍ത്ഥികള്‍ക്കും ഗവേഷകര്‍ക്കും ഇക്കാലം വളരെ നല്ല സമയമാണ്.
ഈ നക്ഷത്രത്തില്‍ പെട്ടവര്‍ക്ക് ഈ സമയം വളരെ നല്ലതാണ്. പരിശ്രമങ്ങള്‍ക്ക് വേണ്ട ഫലം ലഭിക്കുന്ന കാലമാണിത്. സൗഭാഗ്യം, ഉന്നതാധികാര പ്രാപ്തി, ധനാഗമനം, വിദ്യാഗുണം, വിവാഹം, വിദേശവാസ യോഗം എന്നിവയ്ക്ക് യോഗമുള്ള സമയമാണ്.
ഈ നക്ഷത്രക്കാര്‍ക്ക് ഇക്കാലം നല്ല സമയമാണ്. വിദ്യാഗുണം, കുടുംബ സുഖം, സ്ഥാനമാനങ്ങള്‍ എന്നിവയ്ക്കും യോഗമുണ്ട്. അനാവശ്യ കാര്യങ്ങളില്‍ ഇടപെടാതിരിക്കാന്‍ പ്രത്യേകം ശ്രദ്ധിയ്ക്കണം. അലസത മാറ്റി പ്രവര്‍ത്തിച്ചാല്‍ ധാരാളം ഗുണഫലങ്ങള്‍ അനുഭവപ്പെടാന്‍ യോഗമുണ്ട്.
പ്രായോഗിക തലത്തില്‍ അല്പം തടസ്സങ്ങള്‍ അനുഭവപ്പെടുന്ന സമയമാണിത്. അപവാദങ്ങള്‍, ഗുണാനുഭവങ്ങള്‍ക്ക് കാലതാമസം എന്നിവയ്ക്കെല്ലാം സാധ്യതയുണ്ട്. അനാവശ്യ കാര്യങ്ങളില്‍ ഇടപെടുന്നത് ഒഴിവാക്കണം. സംഗീത സാഹിത്യ കലാ സിനിമ മുതലായ മേഖലകളില്‍ പ്രവര്‍ത്തിക്കുന്നവര്‍ക്ക് ശോഭിക്കാന്‍ പറ്റിയ സമയമാണ്.
ഈ നക്ഷത്രക്കാര്‍ക്ക് ധാരാളം ഗുണാനുഭവങ്ങള്‍ക്ക് സാധ്യതയുള്ള സമയമാണ്. പ്രവൃത്തികള്‍ക്കെല്ലാം പൂര്‍ണ്ണത വരുന്ന സമയമാണ്. കൃഷിയില്‍ ലാഭം, സമൂഹത്തില്‍ മാന്യത, ധര്‍മ്മാനുഷ്ഠാനതല്പരത, ക്രയവിക്രയങ്ങളില്‍ ലാഭം, സഹായികളുടെ വര്‍ദ്ധന, സുഖസമൃദ്ധമായ ജീവിതം എന്നിവയ്‌ക്കെല്ലാംയോഗമുണ്ട്. എന്നിരുന്നാലും വീഴ്ച, ചതിയേല്‍ക്കാനിട വരിക, ശരീരത്തില്‍ മുറിവേല്‍ക്കാനിടവരുക, അവിചാരിതമായ നാശനഷ്ടങ്ങള്‍ എന്നിവയ്ക്കും യോഗമുള്ളതിനാല്‍ ശ്രദ്ധിച്ച് പ്രവര്‍ത്തിക്കേണ്ട സമയം കൂടിയാണ്.
ഈ നക്ഷത്രക്കാര്‍ക്ക് അല്പം ഈശ്വരാധീനക്കുറവ് പറയാവുന്ന സമയമാണ്. കലാ സാഹിത്യാദി രംഗത്ത് പ്രവര്‍ത്തിക്കുന്നവര്‍ക്ക് പ്രശസ്തിക്ക് സാധ്യത ഉണ്ട്. നല്ലതിനായി ചെയ്യുന്ന പ്രവൃത്തികള്‍ ദോഷകരമായി മാറാതിരിയ്ക്കാന്‍ വേണ്ട മുന്‍ കരുതലുകള്‍ സ്വീകരിക്കുന്നതു നല്ലതാണ്.
ഇവര്‍ക്ക് ഇക്കാലം പ്രായേണ ഗുണകരമാണ്. കുടുംബൈശ്വര്യം, വസ്ത്രാഭരണ സിദ്ധി, മന:സന്തോഷം, അധികാര പ്രാപ്തി, വിവാഹാദി മംഗളകര്‍മ്മങ്ങള്‍ക്ക് നേതൃത്വം കൊടുക്കാനിടവരുക,, കാര്യജയം, ദേശ നന്മയ്ക്കുള്ള പ്രവര്‍ത്തനങ്ങള്‍ക്ക് നേതൃത്വം കൊടുക്കല്‍ എന്നിവയ്ക്കും യോഗമുണ്ട്. അലസത മാറ്റി വേണ്ട വിധം പ്രവര്‍ത്തിച്ചാല്‍ സമൂഹത്തിനു തന്നെ വന്‍ മാറ്റങ്ങള്‍ക്ക് യോഗമുള്ള സമയമാണ്. അനാവശ്യ ചെലവുകള്‍, ഉദരരോഗ, പാദരോഗ സാധ്യതകള്‍, അലര്‍ജി മൂലം അസുഖങ്ങള്‍ എന്നിവയ്ക്കും യോഗമുള്ളതിനാല്‍ ശ്രദ്ധിക്കേണ്ടതാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates