മുംബൈ: പ്രമുഖ വാഹന നിര്‍മ്മാതാക്കളായ ഹോണ്ടയുടെ സ്‌കൂട്ടറായ ഡിയോ 125ന്റെ പുതിയ വകഭേദം പുറത്തിറക്കി. ഡിയോ 125 എക്‌സ് എഡിഷന്‍ എന്ന പേരിലാണ് പുതിയ സ്‌കൂട്ടര്‍ വിപണിയില്‍ അവതരിപ്പിച്ചത്.

പേള്‍ സൈറണ്‍ ബ്ലൂ, പേള്‍ ഡീപ് ഗ്രൗണ്ട് ഗ്രേ കളര്‍ സ്‌കീമില്‍ സ്‌കൂട്ടര്‍ ലഭ്യമാണ്. ചുവപ്പ് നിറത്തിലുള്ള റിമ്മുകള്‍ വളരെയധികം ശ്രദ്ധ ആകര്‍ഷിക്കുന്നതാണ്. പുതിയ പെയിന്റ് സ്‌കീം ഇതിന് കൂടുതല്‍ സ്‌പോര്‍ട്ടി ലുക്ക് പകരുന്നതാണ്.

കോസ്‌മെറ്റിക് മാറ്റങ്ങള്‍ക്ക് പുറമേ, പുതിയ പതിപ്പ് മെക്കാനിക്കലായും ഫീച്ചറുകളുടെ കാര്യത്തിലും ഹോണ്ട ഡിയോ 125 എച്ച്-സ്മാര്‍ട്ടിന് സമാനമാണ്. കോള്‍/എസ്എംഎസ് അലര്‍ട്ടുകള്‍ക്കും ടേണ്‍-ബൈ-ടേണ്‍ നാവിഗേഷനുമായി സ്മാര്‍ട്ട്ഫോണ്‍ കണക്റ്റിവിറ്റിയുള്ള ഒരു ടിഎഫ്ടി കണ്‍സോള്‍ ഇതിനുണ്ട്. യാത്രയ്ക്കിടെ ഫോണ്‍ ചാര്‍ജ് ചെയ്യാന്‍ ഒരു യുഎസ്ബി-സി ചാര്‍ജിംഗ് പോര്‍ട്ടും ഉണ്ട്.

ഡിയോ 125 എക്‌സ്-എഡിഷനും 123.92 സിസി, എയര്‍-കൂള്‍ഡ്, സിംഗിള്‍ സിലിണ്ടര്‍ എന്‍ജിനാണ് കരുത്ത് പകരുന്നത്. ഇത് 8.19 ബിഎച്ച്പിയും 10.5 എന്‍എമ്മും ഉല്‍പ്പാദിപ്പിക്കുന്നു. വരും ആഴ്ചകളില്‍ ഇത് പുറത്തിറങ്ങുമെന്ന് പ്രതീക്ഷിക്കുന്നു, ഏകദേശം 93,000 മുതല്‍ 93,500 രൂപ വരെ (എക്‌സ്-ഷോറൂം) വില പ്രതീക്ഷിക്കുന്നു.