തിരുവനന്തപുരം: സംസ്ഥാനത്ത് ഇന്ധനവില വീണ്ടും കൂട്ടി. പെട്രോളിന് 24 പൈസയും ഡീസലിന് 16 പൈസയുമാണ് വർധിപ്പിച്ചത്. തിരുവനന്തപുരത്ത് പെട്രോള്‍ വില 93 രൂപയക്ക് മുകളിലെത്തി. 93.08 രൂപയാണ് ഒരു ലിറ്റർ പെട്രോളിന്. ഡീസൽ വില 87.53 രൂപയായി ഉയർന്നു. 

കൊച്ചിയിൽ ഒരു ലിറ്റർ പെട്രോളിന്റെ വില 91 രൂപ 33 പൈസയാണ്. ഡീസൽ വില 85 രൂപ 92 പൈസയായും ഉയർന്നു. കോഴിക്കോട്‌ പെട്രോളിന്‌ 91.92 രൂപയും ഡീസലിന്‌ 86.46 രൂപയുമാണ്‌.

ഫെബ്രുവരിയിൽ 17 തവണയാണ്‌ ഇന്ധന വില കൂട്ടിയത്‌. 19 ദിവസത്തിനുള്ളിൽ പെട്രോളിന്‌ 5.20 രൂപയും ഡീസലിന്‌ 5.50 രൂപയുമാണ്‌ കൂട്ടിയത്‌. രാജ്യത്ത് ചിലയിടങ്ങളിൽ ഇതിനോടകം ഇന്ധനവില നൂറ് കടന്നിട്ടുണ്ട്.