കൊച്ചി: ഒരിടവേളയ്ക്ക് ശേഷം ഇന്ന് കുതിച്ച് ഉയര്‍ന്ന് 92,000ന് മുകളില്‍ എത്തിയ സ്വര്‍ണവിലയില്‍ ഉച്ചയ്ക്ക് ശേഷം ഇടിവ്. രാവിലെ പവന് ഒറ്റയടിക്ക് 1800 രൂപ വര്‍ധിച്ചതോടെയാണ് സ്വര്‍ണവില 92,000 കടന്നത്. എന്നാല്‍ ഉച്ചയോടെ വില കുറയുകയായിരുന്നു. പവന് 320 രൂപയാണ് കുറഞ്ഞത്. 92,280 രൂപയാണ് പുതുക്കിയ സ്വര്‍ണവില. ഗ്രാമിന് ആനുപാതികമായി 40 രൂപയാണ് കുറഞ്ഞത്. 11,535 രൂപയാണ് ഒരു ഗ്രാം സ്വര്‍ണത്തിന്റെ വില.

ഈ മാസത്തിന്റെ തുടക്കത്തില്‍ 90,200 രൂപയായിരുന്നു സ്വര്‍ണവില. അഞ്ചിന് 89,080 രൂപയായി താഴ്ന്നു. പിന്നീട് 89,000നും 90,000നും ഇടയില്‍ ചാഞ്ചാടി നില്‍ക്കുകയായിരുന്നു സ്വര്‍ണവില. ഒക്ടോബര്‍ 17ന് രേഖപ്പെടുത്തിയ 97,360 രൂപയാണ് സര്‍വകാല റെക്കോര്‍ഡ്. തുടര്‍ന്നുള്ള ദിവസങ്ങളില്‍ വില ഇടിഞ്ഞ് പവന് ഏകദേശം 9000 രൂപ കുറഞ്ഞ ശേഷമാണ് ഉയരാന്‍ തുടങ്ങിയത്. അന്താരാഷ്ട്ര വിപണിയില്‍ സ്വര്‍ണവിലയിലെ ചലനങ്ങളാണ് ഇന്ത്യന്‍ വിപണിയില്‍ പ്രതിഫലിക്കുന്നത്.