കൊച്ചി: സംസ്ഥാനത്ത് സ്വര്ണവില വീണ്ടും കുറഞ്ഞു. രാവിലെ 1520 രൂപ ഇടിഞ്ഞ സ്വര്ണവിലയില് ഇന്ന് ഉച്ചക്കഴിഞ്ഞ് പവന് 960 രൂപയാണ് കുറഞ്ഞത്. 1,06,040 രൂപയാണ് ഒരു പവന് സ്വര്ണത്തിന്റെ വില. ഇന്ന് രണ്ടുതവണയായി 2500 രൂപയാണ് സ്വര്ണവിലയില് ഉണ്ടായ കുറവ്.
ഉച്ചക്കഴിഞ്ഞ് ഗ്രാമിന് ആനുപാതികമായി ഇന്ന് 120 രൂപയാണ് കുറഞ്ഞത്. 13,255 രൂപയാണ് ഒരു ഗ്രാം സ്വര്ണത്തിന്റെ വില. യുഎസ് ഫെഡറല് റിസര്വ് പലിശനിരക്ക് വര്ധിപ്പിച്ചേക്കുമെന്ന റിപ്പോര്ട്ടുകള് അടക്കമുള്ള വിഷയങ്ങളാണ് സ്വര്ണവിലയെ സ്വാധീനിക്കുന്നത്. വിലക്കയറ്റം നിയന്ത്രിക്കുന്നതിന് യുഎസ് ഫെഡറല് റിസര്വ് പലിശനിരക്ക് കൂട്ടുമെന്നാണ് റിപ്പോര്ട്ടുകള് വ്യക്തമാക്കുന്നത്. ഫെഡറല് റിസര്വ് പലിശനിരക്ക് കൂട്ടിയാല് സ്വര്ണത്തിന്റെ ആകര്ഷണം കുറയുമെന്നാണ് വിദഗ്ധര് ചൂണ്ടിക്കാണിക്കുന്നത്. ഇതാണ് പ്രധാനമായി സ്വര്ണവില കുറയാന് ഇടയാക്കുന്നത്. ഇന്നലെ രണ്ടു ഘട്ടങ്ങളിലായി 1400 രൂപ വര്ധിച്ച ശേഷമാണ് ഇന്നത്തെ കനത്ത ഇടിവ്.
ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates