മുംബൈ: ഡോളറിനെതിരെ രൂപയുടെ ( indian rupee ) മൂല്യം വീണ്ടും ഇടിഞ്ഞു. 12 പൈസയുടെ നഷ്ടത്തോടെ 85.91 ലേക്കാണ് രൂപയുടെ മൂല്യം ഇടിഞ്ഞത്. വരാനിരിക്കുന്ന റിസര്‍വ് ബാങ്കിന്റെ പണ വായ്പ നയ പ്രഖ്യാപനം ഉള്‍പ്പെടെയുള്ള വിഷയങ്ങളാണ് രൂപയുടെ മൂല്യത്തെ സ്വാധീനിക്കുന്നത്.

റഫാല്‍ യുദ്ധവിമാനങ്ങളുടെ ഭാഗങ്ങള്‍ ഇന്ത്യയില്‍ നിര്‍മ്മിക്കും; ടാറ്റയും ദസ്സാള്‍ട്ടും കൈകോര്‍ക്കുന്നു

ഇന്നലെ തിരിച്ചുകയറിയ രൂപ ഏഴുപൈസയുടെ നേട്ടത്തോടെ 85.80ലാണ് വ്യാപാരം അവസാനിപ്പിച്ചത്. ഓഹരി വിപണിയിലെ മുന്നേറ്റമാണ് ഇന്നലെ രൂപയുടെ മൂല്യം ഉയരാന്‍ അനുകൂലമായ ഘടകം.

34,000 കോടിയുടെ വികസന പദ്ധതികള്‍, എട്ട് സാമ്പത്തിക മേഖലകള്‍, ഭൂമി വില കുതിച്ചുയരും; റിങ് റോഡ് യാഥാര്‍ഥ്യമായാല്‍ വിഴിഞ്ഞം 'വെറെ ലെവല്‍'

അതിനിടെ തുടര്‍ച്ചയായി രണ്ടുദിവസം നേട്ടം രേഖപ്പെടുത്തിയ ഓഹരി വിപണി ഇന്ന് വ്യാപാരത്തിന്റെ തുടക്കത്തില്‍ നഷ്ടത്തിലാണ്. 200ലധികം പോയിന്റ് ആണ് സെന്‍സെക്‌സ് താഴ്ന്നത്.നിലവില്‍ 81000ന് മുകളില്‍ തന്നെയാണ് സെന്‍സെക്‌സ്. ആക്‌സിസ് ബാങ്ക്, റിലയന്‍സ്, ടാറ്റ മോട്ടോഴ്‌സ്, ബജാജ് ഫിനാന്‍സ് ഓഹരികളാണ് പ്രധാനമായി നഷ്ടം നേരിടുന്നത്. എന്‍ടിപിസി, ഒഎന്‍ജിസി, എസ്ബിഐ അടക്കമുള്ള ഓഹരികള്‍ നേട്ടത്തിലാണ്.