ന്യൂഡല്‍ഹി: ഉപഭോക്താക്കളുടെ സൗകര്യാര്‍ത്ഥം പുതിയ ഫീച്ചറുകള്‍ അവതരിപ്പിക്കുന്നതിന്റെ തിരക്കിലാണ് പ്രമുഖ ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പ്. ഇക്കൂട്ടത്തില്‍ പുതിയതാണ് വാട്‌സ്ആപ്പ് ബിസിനസുമായി ബന്ധപ്പെട്ട പുതിയ ഫീച്ചര്‍
ഉപഭോക്താക്കള്‍, ജീവനക്കാര്‍, ഇടപാടുകാര്‍ എന്നിവരുമായി ആശയവിനിമയം നടത്തി ബിസിനസ് വേഗത്തിലാക്കാന്‍ സഹായിക്കുന്ന പ്ലാറ്റ്‌ഫോമാണ് വാട്‌സ്ആപ്പ് ബിസിനസ് . ഇതിലാണ് പുതിയ അപ്‌ഡേഷന്‍ വാട്‌സ്ആപ്പ് കൊണ്ടുവന്നത്. കമ്മ്യൂണിറ്റീസ് രൂപീകരിക്കാന്‍ സഹായിക്കുന്ന ഫീച്ചറാണ് അവതരിപ്പിച്ചത്. ആന്‍ഡ്രോയിഡ് ഓപ്പറേറ്റിങ് സിസ്റ്റത്തില്‍ പരീക്ഷണാടിസ്ഥാനത്തിലാണ് ഫീച്ചര്‍ അവതരിപ്പിച്ചത്. ഭാവിയില്‍ എല്ലാവര്‍ക്കും ഉപയോഗിക്കാന്‍ കഴിയുന്ന തരത്തില്‍ അവതരിപ്പിക്കുമെന്നാണ് വാട്‌സ്ആപ്പ് പറയുന്നത്.
ഗൂഗിള്‍ പ്ലേ സ്റ്റോറില്‍ നിന്ന് വാട്‌സ്ആപ്പിന്റെ 2.23.4.14 അപ്‌ഡേറ്റ് വേര്‍ഷനിലേക്ക് മാറുന്നവര്‍ക്ക് ഈ ഫീച്ചര്‍ പ്രയോജനപ്പെടുത്താന്‍ കഴിയും. ബിസിനസ് ആപ്പില്‍ കമ്മ്യൂണിറ്റീസ് ക്രിയേറ്റ് ചെയ്ത് ഉപഭോക്താക്കളുമായി വേഗത്തില്‍ ആശയവിനിമയം നടത്താനുള്ള സൗകര്യമാണ് ഒരുക്കിയത്. ഇതിന് പുറമേ ഉപയോക്താവ് ക്രിയേറ്റ് ചെയ്തതും ചേര്‍ന്നതുമായ എല്ലാ കമ്മ്യൂണിറ്റികളുടെയും പട്ടിക കാണാനും ഇത് വഴിയൊരുക്കുമെന്നും റിപ്പോര്‍ട്ട് വ്യക്തമാക്കുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates