ന്യൂഡല്ഹി: ചാനല് നിര്മ്മാതാക്കള്ക്കായി പുതിയ ഫീച്ചര് അവതരിപ്പിച്ച് പ്രമുഖ ഇന്സ്റ്റന്റ് മെസേജിങ് പ്ലാറ്റ്ഫോമായ വാട്സ്ആപ്പ്. ആന്ഡ്രോയിഡ് ഫോണുകളില് ചാനലിന്റെ സ്റ്റാറ്റസ് സംബന്ധിച്ച് ചാനല് നിര്മ്മാതാക്കള്ക്ക് നോട്ടിഫിക്കേഷന് നല്കുന്ന ഫീച്ചറാണ് അവതരിപ്പിച്ചത്. ചില രാജ്യങ്ങളില് ഉള്ളടക്കത്തിന് നിയന്ത്രണം നിലനില്ക്കുന്ന പശ്ചാത്തലത്തില് ചാനല് നിര്മ്മാതാക്കള്ക്ക് ഈ ഫീച്ചര് പ്രയോജനം ചെയ്യും.
നിയമപരമായ പ്രശ്നങ്ങളെ തുടര്ന്ന് ചാനല് ഉള്ളടക്കം പൂര്ണമായി പ്രദര്ശിപ്പിക്കുന്നതിന് നിയന്ത്രണങ്ങളുള്ള രാജ്യങ്ങളില് ഇതുസംബന്ധിച്ച് ചാനല് നിര്മ്മാതാക്കള്ക്ക് വിവരം നല്കുന്ന നോട്ടിഫിക്കേഷന് ഫീച്ചറാണ് വാട്സ്ആപ്പ് അവതരിപ്പിച്ചത്. നിലവില് പരീക്ഷണാടിസ്ഥാനത്തിലാണ് ഈ ഫീച്ചര് കൊണ്ടുവന്നത്.
അടുത്തിടെയാണ് ചാനല് ഫീച്ചര് ഇന്ത്യയില് വാട്സ്ആപ്പ് അവതരിപ്പിച്ചത്. ഇതിന് വലിയ സ്വീകാര്യത ലഭിച്ച പശ്ചാത്തലത്തില് ഇതുമായി ബന്ധപ്പെട്ട് പുതിയ ഫീച്ചറുകള് അവതരിപ്പിക്കാനുള്ള ഒരുക്കത്തിലാണ് വാട്സ്ആപ്പ്. ഇതിന്റെ തുടക്കമെന്ന നിലയിലാണ് നോട്ടിഫിക്കേഷന് ഫീച്ചര്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates