സംസ്ഥാന വിവരാവകാശ കമ്മീഷണറുടെ ഒഴിവ് നികത്തുന്നതിനായി സംസ്ഥാന സർക്കാർ അപേക്ഷ ക്ഷണിച്ചു. താൽപ്പര്യമുള്ളവർ നിശ്ചിത മാനദണ്ഡപ്രകാരം അപേക്ഷിക്കണം.

വിവരാവകാശ കമ്മീഷണർ

കേരള സംസ്ഥാന വിവരാവകാശ കമ്മീഷനിൽ സംസ്ഥാന വിവരാവകാശ കമ്മീഷണറുടെ ഒഴിവിലേക്ക് അപേക്ഷ ക്ഷണിച്ചു.

വിവരാവകാശ നിയമം 2005, വിവരാവകാശ (ഭേദഗതി) നിയമം 2019-എന്നിവയിൽ നിഷ്‌കർഷിച്ചിട്ടുള്ള പ്രവൃത്തി പരിചയം, കഴിവ് തെളിയിച്ചിട്ടുള്ള മേഖലകൾ തുടങ്ങിയ വിവരങ്ങൾ സഹിതം സെപ്തംബർ 16 ന് വൈകിട്ട് അഞ്ച് മണിക്കകം അപേക്ഷിക്കണം.

സെക്രട്ടറി, പൊതുഭരണ (ഏകോപനം) വകുപ്പ്, ഗവൺമെന്റ് സെക്രട്ടേറിയറ്റ്, തിരുവനന്തപുരം 695 001 എന്ന വിലാസത്തിലോ gadcdnslc@gmail.com ലേക്കോ അപേക്ഷ അയയ്ക്കണം.

കൂടുതൽ വിവരങ്ങളും അപേക്ഷിക്കുവാനുള്ള പ്രൊഫോർമയും www.gad.kerala.gov.in ൽ ലഭ്യമാണ്.

ഡ്രൈവർ കം ഓഫീസ് അറ്റൻഡർ

കേരള തീരദേശ പരിപാലന അതോറിറ്റിയിൽ ഡ്രൈവർ കം ഓഫീസ് അറ്റൻഡറെ നിയമിക്കുന്നതിന് അപേക്ഷ ക്ഷണിച്ചു. ആറ് മാസത്തേക്കാണ് നിയമനം. എസ് എസ് എൽ സി പാസ്സായിരിക്കണം, എൽ എം വി ലൈസൻസ് ഉണ്ടാവണം,

സർക്കാർ / സർക്കാരിതര സ്ഥാപനങ്ങളിൽ സേവനം അനുഷ്ഠിച്ചവരായിരിക്കണം. ബയോഡാറ്റയും യോഗ്യത തെളിയിക്കുന്ന രേഖകളും ഓഗസ്റ്റ് 30ന് വൈകുന്നേരം അഞ്ച് മണിക്കകം അപേക്ഷിക്കണം.

വിലാസം: മെമ്പർ സെക്രട്ടറി, കേരള തീരദേശ പരിപാലന അതോറിറ്റി, നാലാം നില, കെ എസ്ആർടിസി ബസ് ടെർമിനൽ, തമ്പാനൂർ, തിരുവനന്തപുരം എന്ന വിലാസത്തിൽ ലഭിക്കണം.