ബയോമെഡിക്കൽ മേഖലയിൽ ഫെലോഷിപ്പോടെ ഗവേഷണം നടത്തുന്നതിനുള്ള പ്രവേശന പരീക്ഷയായ ഡി എച്ച് ആർ – ബ്രെറ്റ് 2025 ന് അപേക്ഷകൾ സമർപ്പിക്കാം. ഡൽഹി എയിംസിലെ പരീക്ഷാ വിഭാഗം നടത്തുന്ന പരീക്ഷയ്ക്ക് കേരളത്തിലടക്കം പരീക്ഷ കേന്ദ്രങ്ങളുണ്ട്. ഈ പരീക്ഷയിലൂടെ 250 പേർക്ക് ഫെലോഷിപ്പ് ലഭികുമെന്നാണ് റിപ്പോർട്ട്.
പരീക്ഷ സംബന്ധിച്ച വിശദാംശങ്ങൾ aiimsexams.ac.in എന്ന വെബ്സൈറ്റിൽ ലഭ്യമാണ്. ഓൺലൈൻ അപേക്ഷ സമർപ്പിക്കാനുള്ള അവസാന സമയം നവംബർ 21 വൈകിട്ട് 5 മണി വരെ.
മൈക്രോബയോളജി, ബയോകെമിസ്ട്രി, ജനറ്റിക്സ്, ബയോടെക്നോളജി, ബയോഫിസിക്സ്, ബയോഇൻഫർമാറ്റിക്സ്, ഫുഡ് ആൻഡ് ന്യൂട്രീഷൻ, ലൈഫ് സയൻസസ്, സുവോളജി, ബോട്ടണി, ബയോമെഡിക്കൽ / ഫൊറൻസിക് / എൻവയൺമെന്റൽ / വെറ്ററിനറി / ന്യൂറോ / ഫാർമസ്യൂട്ടിക്കൽ സയൻസസ്, മോളിക്യുലർ ബയോളജി, ഇക്കോളജി, ഇമ്യൂണോളജി, നഴ്സിങ്, ബയോസ്റ്റാറ്റിസ്റ്റിക്സ്, ഫാർമക്കോളജി, പബ്ലിക് ഹെൽത്ത് തുടങ്ങിയ വിഷയങ്ങളിൽ ഏതെങ്കിലും ഒന്നിൽ കുറഞ്ഞത് 55% മാർക്ക് ലഭിച്ച എം.എസ്.സി/എം.ടെക്/എം.ഫാം അല്ലെങ്കിൽ തത്തുല്യ പോസ്റ്റ്ഗ്രാജുവേറ്റ് യോഗ്യതയുള്ളവർക്ക് അപേക്ഷിക്കാം.
പട്ടികജാതി, ഭിന്നശേഷി വിഭാഗങ്ങൾക്ക് 50% മാർക്ക് മതി. ഫൈനൽ സെമസ്റ്റർ വിദ്യാർത്ഥികളെയും പരിഗണിക്കും.
അപേക്ഷകന്റെ പ്രായം 35 വയസ്സ് കവിയരുത്.
സ്ത്രീകൾക്കും പട്ടിക/ഭിന്നശേഷി വിഭാഗങ്ങൾക്കും: 40 വയസ്സ്
കംപ്യൂട്ടർ അധിഷ്ഠിത പരീക്ഷ ഡിസംബർ 7ന് നടക്കും.
150 ഒബ്ജക്റ്റീവ് ചോദ്യങ്ങൾക്ക് 180 മിനിറ്റ്
തെറ്റായ ഉത്തരങ്ങൾക്ക് നെഗറ്റീവ് മാർക്കിംഗ് ഉണ്ടാകും
പൊതുവിഭാഗം: 2000 രൂപ
SC/EWS/OBC വിഭാഗം: 1600 രൂപ
ഭിന്നശേഷിക്കാർക്ക് ഫീസ് ഇല്ല
അപേക്ഷകർക്ക് ‘My Page’ ഡാഷ്ബോർഡ് വഴിയോ 1800 11 7898 എന്ന ടോൾ–ഫ്രീ നമ്പറിലോ സംശയങ്ങൾ ചോദിക്കാം. ഔദ്യോഗിക വിജ്ഞാപനവും അപേക്ഷാ ലിങ്കുകളും വെബ്സൈറ്റിലെ Academic Courses → Doctoral → BRET വിഭാഗത്തിൽ ലഭ്യമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates