ബാർ കൗൺസിൽ ഓഫ് ഇന്ത്യ (BCI) നടത്തുന്ന ദേശീയ തല സർട്ടിഫിക്കേഷൻ പരീക്ഷയായ ഓൾ ഇന്ത്യാ ബാർ എക്സാമിനുള്ള (എഐബിഇ 21 -AIBE 21 ) രജിസ്ട്രേഷൻ നാളെ (ഫെബ്രുവരി 11)മുതൽ ആരംഭിക്കും.

ഇന്ത്യയിൽ നിയമം പ്രാക്ടീസ് ചെയ്യുന്നതിന് സർട്ടിഫിക്കറ്റ് ഓഫ് പ്രാക്ടീസ് ആഗ്രഹിക്കുന്ന നിയമ ബിരുദധാരികൾ നിർബന്ധമായും നേടിയിരിക്കേണ്ട ദേശീയതല സർട്ടിഫിക്കേഷന് വേണ്ടിയുള്ള പരീക്ഷയാണ് എഐബിഇ .

പരീക്ഷാർത്ഥികൾക്ക് allindiabarexamination.com എന്ന ഔദ്യോഗിക പോർട്ടൽ വഴി മാത്രമേ അപേക്ഷകൾ സമർപ്പിക്കാൻ കഴിയൂ. ഫെബ്രുവരി 11 ന് ആരംഭിക്കുന്ന രജിസ്ട്രേഷന് ഏപ്രിൽ 30 വരെ അപേക്ഷിക്കാം

AIBE 21 ന് ആർക്കൊക്കെ അപേക്ഷിക്കാം

അപേക്ഷകർക്കുള്ള പ്രത്യേക യോഗ്യതാ മാനദണ്ഡങ്ങൾ BCI വ്യക്തമാക്കിയിട്ടുണ്ട്:

◘ ബാർ കൗൺസിൽ ഓഫ് ഇന്ത്യ (BCI) അംഗീകരിച്ച സ്ഥാപനത്തിൽ നിന്ന് മൂന്ന് വർഷത്തെയോ അഞ്ച് വർഷത്തെയോ LL B ബിരുദം നേടിയിരിക്കണം.

◘സംസ്ഥാന ബാർ കൗൺസിലിൽ അഭിഭാഷകനായി എൻറോൾ ചെയ്തിരിക്കണം.

◘പരീക്ഷയ്ക്ക് ഉയർന്ന പ്രായപരിധിയില്ല, ഒന്നിലധികം തവണ പരീക്ഷ എഴുതാൻ അനുവാദമുണ്ട്.

പരീക്ഷാ സിലബസ്

പരീക്ഷാർത്ഥിയുടെ നിയമത്തെക്കുറിച്ചുള്ള പ്രായോഗിക പരിജ്ഞാനം വിലയിരുത്തുന്നതിനായി രൂപകൽപ്പന ചെയ്തിട്ടുള്ള 100 മാർക്കിന്റെ വിലയിരുത്തലായിരിക്കും AIBE 21. നിയമ പരിശീലനത്തിന് നിർണായകമായ വിവിധ വിഷയങ്ങൾ സിലബസിൽ ഉൾപ്പെടുന്നു,

◙ഭരണഘടനാ നിയമം

◙ഇന്ത്യൻ ശിക്ഷാ നിയമം (IPC)

◙സിവിൽ നടപടിക്രമ നിയമസംഹിത (CPC)

◙ക്രിമിനൽ നടപടിക്രമ നിയമസംഹിത (CrPC)

◙തെളിവ് നിയമം

◙കരാർ നിയമവും സ്പെസിഫിക്ക് റിലീഫും

◙കുടുംബ നിയമവും സ്വത്ത് നിയമവും

◙ഭരണ നിർവഹണ നിയമം, സൈബർ നിയമം, ബൗദ്ധിക സ്വത്തവകാശ നിയമങ്ങൾ

◙നെഗോഷ്യബിൾ ഇൻസ്ട്രമെന്റ്സ് ആക്ട്, നികുതി, ഭൂമി ഏറ്റെടുക്കൽ എന്നിവയുമായി ബന്ധപ്പെട്ട നിയമങ്ങൾ

AIBE 21 പ്രധാന തീയതികൾ

ഓൺലൈൻ രജിസ്ട്രേഷൻ ആരംഭിക്കുന്ന തീയതി: ഫെബ്രുവരി 11

ഓൺലൈൻ രജിസ്ട്രേഷൻ അവസാനിക്കുന്ന തീയതി: ഏപ്രിൽ 30

ഫീസ് അടയ്ക്കേണ്ട അവസാന തീയതി: മെയ് 1, 2026

അപേക്ഷയിലെ തിരുത്തലുകൾ വരുത്താനുള്ള അവസാന തീയതി: മെയ് 3

അഡ്മിറ്റ് കാർഡ് റിലീസ് ചെയ്യുന്ന തീയതി : മെയ് 22

AIBE 21 പരീക്ഷാ തീയതി: ജൂൺ 7

അപേക്ഷിക്കാനുള്ള വെബ്സൈറ്റ് ലിങ്ക് ഇവിടെ കാണാം