2025–26 അധ്യയന വർഷത്തെ ബി.ഫാർമസി (ലാറ്ററൽ എൻട്രി) പ്രവേശനത്തിനായി 2025 നവംബർ 23-ന് നടത്തിയ കമ്പ്യൂട്ടർ അധിഷ്ഠിത പ്രവേശന പരീക്ഷയുടെ ഉത്തരസൂചിക (Answer Key) പ്രസിദ്ധീകരിച്ചു. കമ്മിഷണർ ഓഫ് എൻട്രൻസ് എക്സാമിനേഷൻസ് (CEE Kerala) ആണ് ഉത്തരസൂചിക ഔദ്യോഗികമായി വെബ്സൈറ്റിൽ ലഭ്യമാക്കിയിരിക്കുന്നത്. ഉദ്യോഗാർത്ഥികൾക്ക് www.cee.kerala.gov.in സന്ദർശിച്ച് അവരുടെ ഉത്തരങ്ങൾ പരിശോധിക്കാം.

ഉത്തരസൂചികയുമായി ബന്ധപ്പെട്ട പരാതികളോ സംശയങ്ങളോ ഉണ്ടെങ്കിൽ, ഉദ്യോഗാർത്ഥികൾ ക്യാൻഡിഡേറ്റ് ലോഗിൻ പോർട്ടൽ വഴി നവംബർ 26 രാവിലെ 11 മണിക്ക് മുൻപ് സമർപ്പിക്കണമെന്ന് അധികൃതർ അറിയിച്ചു. നിർദ്ദിഷ്ട സമയത്തിന് ശേഷം ലഭിക്കുന്ന പരാതികൾ പരിഗണിക്കില്ല. പരാതി സമർപ്പിക്കുമ്പോൾ ആവശ്യമായ രേഖകൾ ചേർക്കണമെന്നും നിർദ്ദേശമുണ്ട്.

പരീക്ഷ സംബന്ധിച്ച കൂടുതൽ വിവരങ്ങൾക്കും തുടർ അറിയിപ്പുകൾക്കും ഉദ്യോഗാർത്ഥികൾ CEE-യുടെ ഔദ്യോഗിക വെബ്സൈറ്റ് സന്ദർശിക്കണമെന്ന് അധികൃതർ നിർദേശിച്ചു. സഹായത്തിനായി 0471-2332120, 0471-2338487, 0471-2525300 എന്നീ നമ്പറുകളിൽ ബന്ധപ്പെടാം.