കൊച്ചിൻ ഷിപ്‌യാർഡിൽ ലിമിറ്റഡ് (CSL) ഓട്ടോ ഇലക്ട്രീഷ്യൻ തസ്തികയിൽ നിയമനം നടത്തുന്നു. ആകെ 2 ഒഴിവുകളാണ് ഉള്ളത്. പത്താം ക്ലാസ് യോഗ്യതയും ഐ.ടി.ഐ യോഗ്യതയുള്ളവർക്ക് ആണ് അവസരം. പ്രവൃത്തി പരിചയം ആവശ്യമാണ്. യോഗ്യതയുള്ള ഉദ്യോഗാർഥികൾക്ക് ജൂലൈ 22 വരെ ഓൺലൈനായി അപേക്ഷ സമർപ്പിക്കാം.

ഒഴിവുകൾ

• ഓട്ടോ ഇലക്ട്രീഷ്യൻ – 2

യോഗ്യത

എസ്.എസ്.എൽ.സി പാസായിരിക്കണം. കൂടാതെ മെക്കാനിക് ഓട്ടോ ഇലക്ട്രിക്കൽ ആൻഡ് ഇലക്ട്രോണിക്സ് (MAEE) അല്ലെങ്കിൽ മെക്കാനിക് മോട്ടോർ വെഹിക്കിൾ ട്രേഡിൽ ഐ.ടി.ഐ–എൻ.ടി.സി (National Trade Certificate) യോഗ്യത ഉണ്ടായിരിക്കണം.

കരാർ കാലാവധിയും നിയമനവും

• പരമാവധി അഞ്ച് വർഷത്തേക്ക് കരാർ അടിസ്ഥാനത്തിലായിരിക്കും നിയമനം

• പദ്ധതി ആവശ്യകതയും ഉദ്യോഗാർഥിയുടെ പ്രവർത്തന മികവും അനുസരിച്ചായിരിക്കും കരാർ തുടരുക.

• തെരഞ്ഞെടുക്കപ്പെടുന്നവർക്ക് കൊച്ചിൻ ഷിപ്‌യാർഡിലോ അതിന്റെ മറ്റ് യൂണിറ്റുകളിലോ പദ്ധതി കേന്ദ്രങ്ങളിലോ നിയമനം ലഭിക്കാം.

• ആവശ്യാനുസരണം ഇന്ത്യയിലെ വിവിധ ഭാഗങ്ങളിലേക്കോ വിദേശ പദ്ധതികളിലേക്കോ സ്ഥലംമാറ്റം ഉണ്ടായേക്കാം.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

ശമ്പളം

• ആദ്യ വർഷം പ്രതിമാസം 23,300 രൂപ ഏകീകൃത ശമ്പളം ലഭിക്കും.

• തുടർന്നുള്ള വർഷങ്ങളിൽ വാർഷിക ശമ്പള വർധന ഉണ്ടായിരിക്കും.

• സാധാരണ ജോലി സമയത്തിന് പുറമെ ചെയ്യുന്ന അധിക ജോലിക്ക് അധിക വേതനവും നൽകും.

• കൊച്ചിൻ ഷിപ്‌യാർഡിലോ സമാന കപ്പൽനിർമാണ സ്ഥാപനങ്ങളിലോ ആവശ്യമായ കുറഞ്ഞ പ്രവൃത്തിപരിചയത്തിന് മുകളിലുള്ള പരിചയമുള്ളവർക്ക് ഉയർന്ന ശമ്പളം നൽകുന്നതും പരിഗണിക്കും.

പ്രായപരിധി

• 2026 ജൂലൈ 22-ന് 45 വയസ് കവിയരുത്.

• 1981 ജൂലൈ 23-നോ അതിന് ശേഷമോ ജനിച്ചവർ മാത്രമാണ് അപേക്ഷിക്കാൻ അർഹർ.

• ഒ.ബി.സി (നോൺ-ക്രീമി ലെയർ) വിഭാഗത്തിന് 3 വർഷം പ്രായ ഇളവ് ലഭിക്കും.

• ഭിന്നശേഷിക്കാർക്കും (PwBD) മുൻസൈനികർക്കും കേന്ദ്ര സർക്കാർ ചട്ടപ്രകാരം പരമാവധി 50 വയസ് വരെ പ്രായ ഇളവ് അനുവദിക്കും.

യോഗ്യത, തെരഞ്ഞെടുപ്പ് നടപടികൾ, മറ്റ് നിബന്ധനകൾ എന്നിവ സംബന്ധിച്ച വിശദവിവരങ്ങൾ അറിയാൻ ഔദ്യോഗിക വിജ്ഞാപനം സന്ദർശിക്കുക

https://cochinshipyard.in/uploads/career/pdf