കർണാടകയിലെ മെഡിക്കൽ, എൻജിനീയറിങ്, ഡെന്റൽ കോളേജുകളുടെ കൺസോർഷ്യം (COMEDK) 2026 ലെ അണ്ടർ ഗ്രാജുവേറ്റ് എൻട്രൻസ് ടെസ്റ്റ് (UGET) ന്റെ രജിസ്ട്രേഷൻ പ്രക്രിയ ആരംഭിച്ചു.

കോംഡെക് (COMEDK) അംഗങ്ങളായ സ്ഥാപനങ്ങൾ നടത്തുുന്ന ബിരുദ എൻജിനീയറിങ് പ്രോഗ്രാമുകളിലേക്ക് പ്രവേശനം ആഗ്രഹിക്കുന്ന വിദ്യാർത്ഥികൾക്ക് ഔദ്യോഗിക വെബ്സൈറ്റായ comedk.org വഴി അപേക്ഷകൾ സമർപ്പിക്കാം.

കർണാടകയിലുടനീളമുള്ള 150-ലധികം അൺഎയ്ഡഡ് സ്വകാര്യ കോളേജുകളിലെ ബിരുദ എൻജിനീയറിങ് പ്രവേശനത്തിന് സ്കോറുകൾ പരിഗണിക്കും.

കോംഡെക് അറിയിപ്പ് അനുസരിച്ച് മാർച്ച് 16 വരെ അപേക്ഷിക്കാം.

COMEDK UGET 2026 രജിസ്ട്രേഷൻ: ആവശ്യമായ രേഖകൾ

നിർദ്ദിഷ്ട ഫോർമാറ്റിലുള്ള സമീപകാല പാസ്‌പോർട്ട് സൈസ് ഫോട്ടോ

അപേക്ഷിക്കുന്ന വ്യക്തിയുടെ ഒപ്പിന്റെ സ്കാൻ ചെയ്ത പകർപ്പ്

പത്താം ക്ലാസ് മാർക്ക് ഷീറ്റ് അല്ലെങ്കിൽ ജനനത്തീയതി പരിശോധനയ്ക്കുള്ള സർട്ടിഫിക്കറ്റ്

പന്ത്രണ്ടാം ക്ലാസ് അല്ലെങ്കിൽ തത്തുല്യ യോഗ്യതാ വിശദാംശങ്ങൾ

സർക്കാർ നൽകിയ സാധുവായ ഫോട്ടോ ഐഡന്റിറ്റി പ്രൂഫ്

സജീവ മൊബൈൽ നമ്പറും ഇമെയിൽ ഐഡിയും

യോഗ്യതാ മാനദണ്ഡം

അപേക്ഷകർ ഫിസിക്സ്, മാത്തമാറ്റിക്സ് എന്നിവ നിർബന്ധിത വിഷയങ്ങളായി പഠിച്ച്, കെമിസ്ട്രി അല്ലെങ്കിൽ മറ്റ് അംഗീകൃത വിഷയങ്ങൾ ഇതിനൊപ്പം പഠിച്ച് പന്ത്രണ്ടാം ക്ലാസിലോ തത്തുല്യ പരീക്ഷയിലോ വിജയിച്ചിരിക്കണം .

ജനറൽ വിഭാഗത്തിൽപ്പെട്ട അപേക്ഷകർ യോഗ്യതാ പരീക്ഷയിൽ കുറഞ്ഞത് 45 ശതമാനം മാർക്ക് നേടിയിരിക്കണം. സംവരണ വിഭാഗത്തിൽപ്പെട്ട അപേക്ഷകർക്ക് കുറഞ്ഞത് 40 ശതമാനം മാർക്ക് ലഭിച്ചിരിക്കണം.

പരീക്ഷാ തീയതിയും രീതിയും

കോംഡെക് അണ്ടർ ഗ്രാജുവേറ്റ് എൻട്രൻസ് പരീക്ഷ (COMEDK UGET )2026 മെയ് ഒമ്പതിന് നടത്തും . ഇന്ത്യയിലുടനീളമുള്ള കേന്ദ്രങ്ങളിൽ കമ്പ്യൂട്ടർ അധിഷ്ഠിത (CBT) രീതിയിലാണ് പരീക്ഷ നടത്തുന്നത്.

പരീക്ഷാ രീതി

മുൻകാലങ്ങളിലെ രീതിയിൽ മാറ്റം വരുത്തിയില്ലെങ്കിൽ മൂന്ന് മണിക്കൂർ ദൈർഘ്യമുള്ള പരീക്ഷയായിരിക്കും നടത്തുക. അതിൽ 180 മൾട്ടിപ്പിൾ ചോയ്‌സ് ചോദ്യങ്ങളും ഓരോന്നിനും ഒരു മാർക്ക് വീതവുമുണ്ടാകും. .

കോംഡെക് വിജ്ഞാപനം വായിക്കാൻ ഇവിടെ ക്ലിക്ക് ചെയ്യുക

ഔദ്യോഗിക വെബ്സൈറ്റ് വഴി അപേക്ഷിക്കാൻ ഇവിടെ ക്ലിക്ക് ചെയ്യുക