ഇന്ത്യൻ പ്രതിരോധ മന്ത്രാലയത്തിന് കീഴിലുള്ള ഹിന്ദുസ്ഥാൻ ഷിപ്പ്‌യാർഡ് വിവിധ തസ്തികകളിലേക്ക് അപേക്ഷ ക്ഷണിച്ചു.

ജനറൽ മാനേജർ, ഡെപ്യൂട്ടി ജനറൽ മാനേജർ, മാനേജർ‍, ഡെപ്യൂട്ടി മാനേജർ, സീനിയർ ചീഫ് പ്രോജക്ട് സൂപ്രണ്ട്, സീനിയർ കൺസൾട്ട​ന്റ് തസ്തികളിലേക്ക് അപേക്ഷ ക്ഷണിച്ചിട്ടുള്ളത്.

ഓൺലൈനായി വേണം എല്ലാ തസ്തികളിലേക്കും അപേക്ഷ സമർപ്പിക്കേണ്ടത്. ജനുവരി 13 (13-01-2026) ആണ് അപേക്ഷ സമർപ്പിക്കേണ്ട അവസാന തീയതി.

തസ്തികകൾ, നിയമന സ്വഭാവം, ഒഴിവുകളുടെ എണ്ണം

ജനറൽ മാനേജർ (ടെക്നിക്കൽ), ജനറൽ മാനേജർ ( എച്ച് ആർ),ഡെപ്യൂട്ടി ജനറൽ മാനേജർ( എച്ച് ആർ), മാനേജർ‍( എച്ച് ആർ), ഡെപ്യൂട്ടി മാനേജർ (സേഫ്റ്റി), ഡെപ്യൂട്ടി മാനേജർ (ഫിനാൻസ്) എന്നീ തസ്തികളിലേക്ക് സ്ഥിരം നിയമനത്തിനാണ് അപേക്ഷ ക്ഷണിച്ചിട്ടുള്ളത്. സീനിയർ ചീഫ് പ്രോജക്ട് സൂപ്രണ്ട് (ടെക്നിക്കൽ) ഫിക്സ്ഡ് ടേം കോൺട്രാക്റ്റ് ( എഫ് ടി എം) വ്യവസ്ഥയിലും

സീനിയർ കൺസൾട്ട​ന്റ് ( മറൈൻ ടെക്നോളജി സർവീസസ്) എന്നീ തസ്തികളിൽ ഫിക്സ്ഡ് ടേം കോൺട്രാക്റ്റ് ( എഫ് ടി എം) അല്ലെങ്കിൽ പാർടൈം വ്യവസ്ഥയിലോ ആയിരിക്കും നിയമനം.

ജനറൽ മാനേജർ (ടെക്നിക്കൽ) E-7 ​ഗ്രേഡിൽ ഒരു ഒഴിവാണുള്ളത്. . ജനറൽ മാനേജർ ( എച്ച് ആർ)E-7 ​ഗ്രേഡിൽ ഒരു ഒഴിവാണുള്ളത്. ഈ രണ്ട് ഒഴിവുകളും ഒ ബി സി വിഭാ​ഗത്തിനായി സംവരണം ചെയ്തിട്ടുള്ളതാണ്.

ഡെപ്യൂട്ടി ജനറൽ മാനേജർ( എച്ച് ആർ) E- 5 ൽ ഒരു ഒഴിവാണ് ഉള്ളത്. പൊതുവിഭാ​ഗത്തിൽ ഉൾപ്പെടുന്നതാണ് ഈ നിയമനം.മാനേജർ‍( എച്ച് ആർ) E-3 ​ഗ്രേഡിൽ മൂന്ന് ഒഴിവുകളാണുള്ളത്. ഇതിൽ ഓരോ ഒഴിവ് വീതം, ഒബിസി, എസ് സി, എസ് ടി വിഭാ​ഗങ്ങൾക്കായി സംവരണം ചെയ്തിരിക്കുന്നു.

ഡെപ്യൂട്ടി മാനേജർ (സേഫ്റ്റി) , ഡെപ്യൂട്ടി മാനേജർ (ഫിനാൻസ്) E-2 ​ഗ്രേഡിൽ ഓരോ ഒഴിവുകളാണുള്ളത്. ഇത് രണ്ടിലും പൊതുവിഭാ​ഗത്തിലായിരിക്കും നിയമനം.

ഫിക്സ്ഡ് ടേം കോൺ​ട്രാക്ടിൽ നിയമനം നടത്തുന്ന ചീഫ് പ്രോജക്ട് സൂപ്രണ്ട് (ടെക്നിക്കൽ) രണ്ട് ഒഴിവുകളാണ് ഉള്ളത്. ഇതിൽ ഒന്ന് പൊതുവിഭാ​ഗത്തിൽ അപേക്ഷിക്കാം. മറ്റൊന്ന് ഒബിസി വിഭാ​ഗത്തിനായി സംവരണം ചെയ്തിരിക്കുന്നു.

ഫിക്സ്ഡ് ടേം കോൺട്രാക്റ്റ് ( എഫ് ടി എം) അല്ലെങ്കിൽ പാർടൈം വ്യവസ്ഥയിലോ നിയമനം നടത്തുന്ന സീനിയർ കൺസൾട്ട​ന്റ് ( മറൈൻ ടെക്നോളജി സർവീസസ്) തസ്തികയിൽ ഒരു ഒഴിവാണ് ഉള്ളത്.