സി.സി.ടി.വി കാമറ ഇൻസ്റ്റാലേഷൻ ആൻഡ് സർവീസിങ് കോഴ്സ് സൗജന്യമായി പഠിക്കാൻ അവസരം. തൃശ്ശൂർ വില്ലടത്ത് പ്രവർത്തിക്കുന്ന കനറാ ബാങ്ക് ഗ്രാമീണ സ്വയം തൊഴിൽ പരിശീലനകേന്ദ്രത്തിൽ സംഘടിപ്പിക്കുന്ന കോഴ്സിലേക്ക് ഇപ്പോൾ അപേക്ഷിക്കാം. ഭക്ഷണവും താമസവും സൗജന്യമാണ്. ഓഗസ്റ്റ് 6 മുതലാണ് പുതിയ ബാച്ച് ആരംഭിക്കുന്നത്.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

കേന്ദ്ര സർക്കാരിന്റെ പ്രത്യേക പദ്ധതി പ്രകാരമാണ് ഈ കോഴ്സ് സംഘടിപ്പിക്കുന്നത്. 18-നും 49-നും ഇടയിൽ പ്രായമുള്ളവർക്ക് അപേക്ഷിക്കാം. രാവിലെ ഒമ്പത് മുതൽ വൈകീട്ട് അഞ്ച് വരെയാണ് പരിശീലന സമയം. 13 ദിവസമാണ് ക്ലാസിന്റെ കാലാവധി.

സി.സി.ടി.വി ടെക്‌നിഷ്യൻ ക്ലാസുകൾക്ക് പുറമെ പുതിയ ഒരു സംരഭം ആരംഭിക്കാൻ ആവശ്യമായ എല്ലാ കാര്യങ്ങളും പ്രത്യേകം പഠിപ്പിക്കും. ഈ ക്ലാസുകൾ കഴിഞ്ഞാൽ സ്വന്തമായി സി.സി.ടി.വി കാമറ ഇൻസ്റ്റാലേഷൻ ആൻഡ് സർവീസിങ് സ്ഥാപനം ഉദ്യോഗാർഥിക്ക് ആരംഭിക്കാൻ കഴിയുന്ന തരത്തിലാണ് ക്ലാസുകൾ ഒരുക്കിയിരിക്കുന്നത്.

30 സീറ്റുകളാണ് ഒഴിവുകൾ ഉള്ളത്. സംവരണ വിഭാഗത്തിൽ ഉൾപ്പെട്ടവർക്ക് മുൻഗണന ലഭിക്കും. കൂടുതൽ വിവരങ്ങൾക്ക് ബന്ധപെടുക ഫോൺ- 9447196324, 0487 2694412, 8943696813.