കേരള സർക്കാർ കമ്പനിയായ കേരള റബർ ലിമിറ്റഡി (KRL) ൽ പ്രോജക്ട് എൻജിനീയർ , മാനേജർ എന്നീ തസ്തികകളിൽ ഒഴിവുകളുണ്ട്. ഈ ഒഴിവുകൾ നികത്തുന്നതിനായി സെന്റർ ഫോർ മാനേജ്‌മെന്റ് ഡെവലപ്‌മെന്റ് (CMD) അപേക്ഷ ക്ഷണിച്ചു. യോഗ്യതയും താൽപ്പര്യമുള്ള ഉദ്യോഗാർത്ഥികൾ ഓൺലൈൻ വഴി അപേക്ഷ സമർപ്പിക്കണം.

റബ്ബർ അധിഷ്ഠിത മൂല്യവർധിത ഉൽപ്പന്നങ്ങളുടെ ഉൽപ്പാദനം പ്രോത്സാഹിപ്പിക്കുന്നതിനായി കേരള സർക്കാർ രൂപീകരിച്ച കമ്പനിയാണ് കേരള റബർ ലിമിറ്റഡ് ( കെ ആർ എൽ -KRL).

നിലവിൽ കെ ആർ എല്ലിൽ പ്രോജക്ട് എൻജിനിയർ (ഇലക്ട്രിക്കൽ), മാനേജർ (ഫിനാൻസ് ആൻഡ് അക്കൗണ്ട്സ്) എന്നീ തസ്തികകളിലാണ് ഒഴിവുകളുള്ളത്.

തസ്തികയുടെ പേര് : പ്രോജക്റ്റ് എൻജിനീയർ - ഇലക്ട്രിക്കൽ

യോഗ്യത: ഇലക്ട്രിക്കൽ എൻജിനിയറിങ്ങിൽ ബി ടെക്

പ്രവൃത്തി പരിചയം :കുറഞ്ഞത് രണ്ട് വർഷത്തെ ഇലക്ട്രിക്കൽ എൻജിനിയറായുള്ള തൊഴിൽ പരിചയം. ഇതിൽ സബ്സ്റ്റേഷനുമായി ബന്ധപ്പെട്ട ജോലിയിൽ കുറഞ്ഞത് ഒരു വർഷത്തെ പ്രവൃത്തിപരിചയം ആവശ്യമാണ്.

പ്രായപരിധി: 35 വയസ്സ് (01/01/2026 )

ശമ്പളം : 35,000 രൂപ സമാഹൃത ശമ്പളം

നിയമന രീതി: കരാർ അടിസ്ഥാനത്തിൽ

ഒഴിവുകളുടെ എണ്ണം : ഒന്ന് (01)

തസ്തികയുടെ പേര് : മാനേജർ (ഫിനാൻസ് ആൻഡ് അക്കൗണ്ട്സ്)

യോഗ്യത : സി എ/ സി എം എ /ഐ സി ഡബ്ല്യു എ (CA/CMA/ICWA)

പ്രവൃത്തി പരിചയം : എതെങ്കിലും പ്രമുഖ സ്ഥാപനത്തിൽ അക്കൗണ്ടുകൾ/ഫിനാൻസ് കൈകാര്യം ചെയ്യുന്നതിൽ എട്ട് വർഷത്തെ പരിചയം.

പ്രായപരിധി : 45 വയസ് (01/01/2026 )

ശമ്പളം :79,000 രൂപ മുതൽ 89,000 രൂപ വരെ സമാഹൃതം

നിയമന രീതി: കരാർ അടിസ്ഥാനത്തിൽ

ഒഴിവുകളുടെ എണ്ണം: ഒന്ന് (01)

രണ്ട് തസ്തികയിലേക്കും ഓൺലൈൻ അപേക്ഷ സമർപ്പിക്കേണ്ട അവസാന തീയതി ജനുവരി 28 (28.01.2026 )വൈകുന്നേരം 05:00 മണി ആണ്.

താൽപ്പര്യമുള്ള ഉദ്യോഗാർത്ഥികൾക്ക് തിരുവനന്തപുരത്തെ സെന്റർ ഫോർ മാനേജ്‌മെന്റ് ഡെവലപ്‌മെന്റിന്റെ (CMD) വെബ്‌സൈറ്റായ www.cmd.kerala.gov.in നൽകിയിരിക്കുന്ന നിർദ്ദിഷ്ട അപേക്ഷാ ഫോം പൂരിപ്പിച്ച് ഓൺലൈനായി അപേക്ഷിക്കാം.

ഉദ്യോഗാർത്ഥികൾ ശ്രദ്ധിക്കേണ്ട കാര്യങ്ങൾ

◈ ഓൺലൈൻ അപേക്ഷ സമർപ്പിക്കാനുള്ള അവസാന തീയതി ജനുവരി 28 (28.01.2026 )വൈകുന്നേരം 05:00 മണി ആണ്

◈ ഓൺലൈൻ പോർട്ടൽ വഴി അല്ലാതെ ഓൺലൈനായോ ഓഫ്‌ലൈനായോ സമർപ്പിക്കുന്ന അപേക്ഷകൾ കേരള റബർ ലിമിറ്റഡ് ( കെ ആർ എൽ) ഓഫീസിലോ സെന്റർ ഫോർ മാനേജ്‌മെന്റ് ഡെവലപ്‌മെന്റ് (സി എംഡി) ഓഫീസിലോ സ്വീകരിക്കുന്നതല്ല.

◈ പരസ്യപ്പെടുത്തിയ തസ്തികകളിൽ കാരണമൊന്നും കാണിക്കാതെ തന്നെ നിയമനം നടത്താതിരിക്കാനും കേരള റബർ ലിമിറ്റഡിനും ( കെ ആർ എൽ) ഓഫീസിലോ സെന്റർ ഫോർ മാനേജ്‌മെന്റ് ഡെവലപ്‌മെന്റിനും (സി എംഡി) അവകാശം ഉണ്ടായിരിക്കും.