കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് (കിക്മ) എം.ബി.എ പ്രവേശന പരീക്ഷയായ സി-മാറ്റ് പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾക്കായി സൗജന്യ ഓൺലൈൻ പരിശീലനം നടത്തുന്നു. ആദ്യം രജിസ്റ്റർ ചെയ്യുന്ന 300 വിദ്യാർത്ഥികൾക്ക് പങ്കെടുക്കാൻ അവസരം ലഭിക്കും. രജിസ്റ്റർ ചെയ്യാനുളള ലിങ്ക്: https://forms.gle/hE631kJiKJt9JdQ9A കൂടുതൽവിവരങ്ങൾക്ക്: 8548618290/ 9496366741. 

പി ജി ഹോമിയോ പ്രവേശനം

2025 - ലെ പി.ജി. ഹോമിയോപതി  കോഴ്‌സിലേക്കുള്ള മൂന്നാംഘട്ട അലോട്ട്‌മെന്റിനായി ഓൺലൈനായി ഓപ്ഷനുകൾ രജിസ്റ്റർ ചെയ്യുന്നതിനുള്ള സൗകര്യം ലഭ്യമാക്കി. 2025 ലെ പി.ജി. ഹോമിയോപതി കോഴ്‌സിലേക്ക് പ്രവേശനം നേടാൻ ആഗ്രഹിക്കുന്നവർ നിർബന്ധമായും നവംബർ 10  വൈകിട്ട് 4ന് മുൻപ് www.cee.kerala.gov.in ൽ ഓപ്ഷൻ സമർപ്പിക്കണം.  ഹെൽപ് ലൈൻ നമ്പർ : 0471 2332120, 2338487.

ഡി എൻ ബി പ്രവേശനം

2025 വർഷത്തെ ഡി എൻ ബി (പോസ്റ്റ് എം.ബി.ബി.എസ്) കോഴ്‌സുകളിലേയ്ക്കുള്ള ഒന്നാം ഘട്ട അലോട്ട്‌മെന്റിനായി www.cee.kerala.gov.in ൽ നവംബർ 12 വരെ ഓപ്ഷനുകൾ രജിസ്റ്റർ ചെയ്യാം. 2025 ലെ ഡി എൻ ബി (പോസ്റ്റ് എം.ബി.ബി.എസ്.) കോഴ്‌സിലേക്ക് അപേക്ഷ സമർപ്പിച്ച NEET PG യോഗ്യതയുള്ളവരാണ് ഓപ്ഷനുകൾ സമർപ്പിക്കേണ്ടത്. ഹെൽപ് ലൈൻ നമ്പർ: 0471 2332120, 2338487.