സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (സെബി)യിൽ ജോലി നേടാൻ അവസരം. ഓഫീസർ ഗ്രേഡ് എ തസ്തികയിൽ ആണ് നിയമനം നടത്തുന്നത്. ജനറൽ, ലീഗൽ, ഇൻഫർമേഷൻ ടെക്നോളജി തുടങ്ങിയ മേഖലകളിലായി 110 ഒഴിവുകളുണ്ട്. ബാച്ചിലർ അല്ലെങ്കിൽ മാസ്റ്റർ ബിരുദമുള്ളവർക്ക് അപേക്ഷ നൽകാം. അപേക്ഷകൾ സമർപ്പിക്കേണ്ട അവസാന തീയതി നവംബർ 28.

വിദ്യാഭ്യാസ യോഗ്യത

ജനറൽ സ്ട്രീം: ഏതെങ്കിലും വിഷയത്തിൽ ബിരുദാനന്തര ബിരുദം/ ബിരുദാനന്തര ഡിപ്ലോമ (കുറഞ്ഞത് 2 വർഷം). അല്ലെങ്കിൽ നിയമത്തിൽ ബിരുദം/എഞ്ചിനീയറിങിൽ ബിരുദം/ചാർട്ടേഡ് അക്കൗണ്ടന്റ് (CA) / ചാർട്ടേഡ് ഫിനാൻഷ്യൽ അനലിസ്റ്റ് (CFA) / കമ്പനി സെക്രട്ടറി (CS) / കോസ്റ്റ് അക്കൗണ്ടന്റ് എന്നി കോഴ്സുകൾ പൂർത്തിയയാക്കിയവർക്കും അപേക്ഷ സമർപ്പിക്കാം.

ലീഗൽ സ്ട്രീം: അംഗീകൃത സർവകലാശാല/സ്ഥാപനത്തിൽ നിന്നുള്ള നിയമ ബിരുദം.

ഇൻഫർമേഷൻ ടെക്നോളജി സ്ട്രീം: ഏതെങ്കിലും ശാഖയിൽ എഞ്ചിനീയറിങിൽ ബിരുദം. അല്ലെങ്കിൽ കമ്പ്യൂട്ടർ സയൻസ്, കമ്പ്യൂട്ടർ ആപ്ലിക്കേഷൻ/ ഇൻഫർമേഷൻ ടെക്നോളജി എന്നിവയിൽ ബിരുദാനന്തര ബിരുദത്തോടെ (കുറഞ്ഞത് 2 വർഷം) ഏതെങ്കിലും വിഷയത്തിൽ ബിരുദം.

റീസർച്ച് സ്ട്രീം: സാമ്പത്തികശാസ്ത്രം, കൊമേഴ്‌സ്, ബിസിനസ് അഡ്മിനിസ്ട്രേഷൻ, ഇക്കണോമെട്രിക്സ്, സ്റ്റാറ്റിസ്റ്റിക്സ്, ഫിനാൻസ് അല്ലെങ്കിൽ അനുബന്ധ മേഖലകളിൽ ബിരുദാനന്തര ബിരുദം/ ബിരുദാനന്തര ഡിപ്ലോമ (കുറഞ്ഞത് 2 വർഷം).

ഔദ്യോഗിക ഭാഷാ വിഭാഗം: ബാച്ചിലേഴ്‌സ് തലത്തിൽ ഇംഗ്ലീഷ് ഒരു വിഷയമായി പഠിച്ച് ഹിന്ദി/ഹിന്ദി വിവർത്തനത്തിൽ ബിരുദാനന്തര ബിരുദം അല്ലെങ്കിൽ ബിരുദതലത്തിൽ ഹിന്ദി ഒരു വിഷയമായി പഠിച്ച് സംസ്‌കൃതം/ഇംഗ്ലീഷ്/സാമ്പത്തികശാസ്ത്രം/കൊമേഴ്‌സ് എന്നിവയിൽ ബിരുദാനന്തര ബിരുദം.

എഞ്ചിനീയറിങ് (ഇലക്ട്രിക്കൽ) വിഭാഗം: അംഗീകൃത സർവകലാശാല/ഇൻസ്റ്റിറ്റ്യൂട്ടിൽ നിന്ന് ഇലക്ട്രിക്കൽ എഞ്ചിനീയറിങിൽ ബിരുദം.

എഞ്ചിനീയറിങ് (സിവിൽ) വിഭാഗം: അംഗീകൃത സർവകലാശാല/ഇൻസ്റ്റിറ്റ്യൂട്ടിൽ നിന്ന് സിവിൽ എഞ്ചിനീയറിങിൽ ബിരുദം.

മുൻ പരിചയം

• ജനറൽ,ഐടി, ഗവേഷണം, ഔദ്യോഗിക ഭാഷാ വിഭാഗങ്ങൾക്ക് മുൻ പരിചയം ആവശ്യമില്ല.

• നിയമ വിഭാഗത്തിന്, അഭിഭാഷകനായി രണ്ട് വർഷത്തെ പരിചയം അഭികാമ്യമാണ്.

• എഞ്ചിനീയറിങ് (ഇലക്ട്രിക്കൽ), (സിവിൽ) വിഭാഗങ്ങൾക്ക്, വിജ്ഞാപനത്തിൽ വിശദമാക്കിയിരിക്കുന്നതുപോലെ പ്രവൃത്തി പരിചയം അഭികാമ്യമാണ്.

ഉയർന്ന പ്രായപരിധി,അപേക്ഷ ഫീസ്, തെരഞ്ഞെടുപ്പ് പ്രക്രിയ എന്നിവയെപ്പറ്റിയുള്ള കൂടുതൽ വിവരങ്ങൾ അറിയാൻ ആയി https://www.sebi.gov.in/ സന്ദർശിക്കുക.