2025–26 അധ്യായനവർഷത്തേക്കുള്ള പ്രൊഫഷണൽ ഡിപ്ലോമ ഇൻ ഫാർമസി, ഹെൽത്ത് ഇൻസ്‌പെക്ടർ, മറ്റ് പാരാമെഡിക്കൽ കോഴ്‌സുകൾ എന്നിവയിലെ സർക്കാർ/സ്വാശ്രയ കോളേജുകളിലെ ഒഴിവുള്ള സീറ്റുകളിലേക്കും പുതുതായി ഉൾപ്പെടുത്തിയ കോളേജുകളിലെ സീറ്റുകളിലേക്കും പ്രത്യേക അലോട്ട്‌മെന്റ് ഡിസംബർ 15-ന് നടത്തും.

പ്രത്യേക അലോട്ട്‌മെന്റിൽ പങ്കെടുക്കാൻ താൽപര്യമുള്ള റാങ്ക്‌ലിസ്റ്റിലുള്ള അപേക്ഷകർ ഡിസംബർ 8 മുതൽ 11 വരെ www.lbscentre.kerala.gov.in എന്ന വെബ്‌സൈറ്റിലൂടെ പുതിയ കോളേജ്/കോഴ്‌സ് ഓപ്ഷനുകൾ സമർപ്പിക്കണം. മുമ്പ് നൽകിയ ഓപ്ഷനുകൾ പരിഗണിക്കില്ല.

മുൻ അലോട്ട്‌മെന്റുകൾ വഴി പ്രവേശനം ലഭിച്ചവർ നിർബന്ധമായും അതത് കോളേജിൽ നിന്ന് എൻ.ഒ.സി (NOC) ഓൺലൈൻ ആയി സ്വന്തമാക്കണം. കൂടുതൽ വിവരങ്ങൾക്ക്: 0471-2560361, 362, 363, 364.