ദക്ഷിണ കൊറിയയിലെ സയൻസ് ആൻഡ് ടെക്നോളജി യൂണിവേഴ്സിറ്റി (UST,യുഎസ്ടി) 2026 അധ്യയന വർഷത്തേക്കുള്ള പൂർണമായും ധനസഹായത്തോടെയുള്ള സ്കോളർഷിപ്പുകൾക്ക് അപേക്ഷ ക്ഷണിച്ചു.

മാസ്റ്റേഴ്സ് (എംഎസ്), ഡോക്ടറൽ (പിഎച്ച്ഡി), ഇന്റഗ്രേറ്റഡ് എംഎസ്-പിഎച്ച്ഡി പ്രോഗ്രാമുകളിൽ പ്രവേശനം ആഗ്രഹിക്കുന്ന അന്താരാഷ്ട്ര വിദ്യാർത്ഥികൾക്ക് സ്കോളർഷിപ്പുകൾ ലഭിക്കും. ഇന്ത്യൻ വിദ്യാർത്ഥികൾക്കുള്ള മികച്ച

അവസരങ്ങളിലൊന്നാണിത്. ദക്ഷിണ കൊറിയയിലെ മികച്ച യൂണിവേഴ്സിറ്റികളിലൊന്നായി പരിഗണിക്കപ്പെടുന്നതാണ് സയൻസ് ആൻഡ് ടെക്നോളജി യൂണിവേഴ്സിറ്റി

ദക്ഷിണ കൊറിയയിൽ ഉന്നത വിദ്യാഭ്യാസം നേടാൻ ആഗ്രഹിക്കുന്ന വിദ്യാർത്ഥികൾക്ക് യുഎസ്ടി സ്കോളർഷിപ്പ് 2026 ന് അപേക്ഷിക്കാം. അപേക്ഷിക്കാനുള്ള അവസാന തീയതി 2026 ഫെബ്രുവരി 23 ആണ്.

യുഎസ്ടി (UST) സ്കോളർഷിപ്പ് 2026: പ്രധാന വിവരങ്ങൾ

സർവകലാശാല: യൂണിവേഴ്സിറ്റി ഓഫ് സയൻസ് ആൻഡ് ടെക്നോളജി (UST), ദക്ഷിണ കൊറിയ

ഡിഗ്രി ലെവലുകൾ: എംഎസ്, പിഎച്ച്ഡി, എംഎസ്- പിഎച്ച്ഡി

സ്കോളർഷിപ്പ് : പൂർണമായ ധനസഹായം

യോഗ്യതയുള്ള ദേശീയത: എല്ലാ രാജ്യക്കാർക്കും അപേക്ഷിക്കാം

◈സാമ്പത്തിക ആനുകൂല്യങ്ങൾ

സ്കോളർഷിപ്പിൽ എല്ലാ പ്രധാന അക്കാദമിക്, ജീവിതച്ചെലവുകളും ഉൾപ്പെടുന്നു.

◈മുഴുവൻ ട്യൂഷൻ ഫീസ്

◈യൂണിവേഴ്സിറ്റി പ്രവേശന ഫീസ്

◈സൗജന്യ താമസം

◈പ്രതിമാസ സ്റ്റൈപ്പൻഡ്

◈മാസ്റ്റേഴ്സ്: പ്രതിമാസം KRW 1,200,000 (കൊറിയൻ വോൺ)

◈പിഎച്ച്ഡി: പ്രതിമാസം KRW 1,600,000 (കൊറിയൻ വോൺ)

◈ആരോഗ്യ, അപകട ഇൻഷുറൻസ്

◈റൗണ്ട് ട്രിപ്പ് വിമാന നിരക്ക്

◈കൊറിയൻ ഭാഷാ കോഴ്‌സ് ഫീസ്

◈ഇ-ലൈബ്രറി, കൗൺസിലിങ് സേവനങ്ങൾ

◈വിദേശ പരിശീലനം, എക്സ്ചേഞ്ച് പ്രോഗ്രാമുകളും

◈ഗവേഷണ പ്രബന്ധ അവാർഡുകളും മികവിനുള്ള അവാർഡുകളും (ബിരുദാനന്തരം നൽകുന്നത്)

പ്രോഗ്രാമുകൾ

ഏകദേശം എല്ലാ അക്കാദമിക് മേഖലകളിലും പ്രധാന വിഷയങ്ങളിലും യുഎസ്ടി പ്രോഗ്രാമുകൾ ഉണ്ട്. മികച്ച അന്താരാഷ്ട്ര വിദ്യാർത്ഥികൾക്ക് ആകെ 300 സ്കോളർഷിപ്പുകൾ ആണ് ഉള്ളത്. ദക്ഷിണ കൊറിയയിൽ പഠനം പൂർത്തിയാക്കുന്നതിന് ആവശ്യമായ എല്ലാ അവശ്യ ചെലവുകളും വഹിക്കുന്നതിനാണ് ഫണ്ടിങ് രൂപകൽപ്പന ചെയ്തിരിക്കുന്നത്.

യോഗ്യത

⊚ഏത് രാജ്യത്തുമുള്ള അപേക്ഷകർക്ക് യോഗ്യതയുണ്ട്.

⊚മാസ്റ്റർ പ്രോഗ്രാമുകൾക്ക് അപേക്ഷിക്കുന്ന ഉദ്യോഗാർത്ഥികൾ 2026 സെപ്റ്റംബറോടെ ബാച്ചിലേഴ്സ് ബിരുദം പൂർത്തിയാക്കിയിരിക്കണം

⊚പിഎച്ച്ഡി പ്രോഗ്രാമുകൾക്കുള്ള അപേക്ഷകർ 2026 സെപ്റ്റംബറോടെ ബിരുദാനന്തര ബിരുദം പൂർത്തിയാക്കിയിരിക്കണം

ആവശ്യമായ രേഖകൾ

⊚ഡിഗ്രി സർട്ടിഫിക്കറ്റ് അല്ലെങ്കിൽ പ്രതീക്ഷിക്കുന്ന ബിരുദത്തിന്റെ തെളിവ്

⊚ബാച്ചിലേഴ്സ് ഡിഗ്രി ട്രാൻസ്ക്രിപ്റ്റ് (ബിരുദാനന്തരബിരുദ പ്രോഗ്രാമിന് അപേക്ഷിക്കുന്നവർക്ക്)

⊚മാസ്റ്റേഴ്സ് ഡിഗ്രി സർട്ടിഫിക്കറ്റ് അല്ലെങ്കിൽ പ്രതീക്ഷിക്കുന്ന ബിരുദത്തിന്റെ തെളിവ് (പിഎച്ച്ഡി അപേക്ഷിക്കുന്നവർക്ക്)

⊚മാസ്റ്റേഴ്സ് ഡിഗ്രി ട്രാൻസ്ക്രിപ്റ്റ്

⊚മാസ്റ്റേഴ്സ് തീസിസ് (ബാധകമാകുന്നവർക്ക്)

⊚പഠന പദ്ധതി

⊚ലെറ്റേഴ്സ് ഓഫ് റെക്കമെൻഡേഷൻ

അപേക്ഷിക്കേണ്ട വിധം

ഔദ്യോഗിക യുഎസ്ടി വെബ്സൈറ്റിൽ ലഭ്യമായ ഓൺലൈൻ അപേക്ഷാ സംവിധാനം വഴിയാണ് അപേക്ഷകൾ സമർപ്പിക്കേണ്ടത്. അപേക്ഷിക്കുന്നതിന് മുമ്പ് വിശദമായ മാർഗ്ഗനിർദ്ദേശങ്ങൾ വായിച്ചു നോക്കണമെന്ന് യൂണിവേഴ്സിറ്റി നിർദ്ദേശിക്കുന്നു.

സ്കോളർഷിപ്പിന് അപേക്ഷിക്കാനുള്ള വെബ്സൈറ്റ് ലിങ്ക് ലഭിക്കാൻ ഇവിടെ ക്ലിക്ക് ചെയ്യുക

യുണിവേഴ്സിറ്റിയുടെ ഔദ്യോഗിക വെബ്സൈറ്റ് സന്ദർശിക്കാൻ ഇവിടെ ക്ലിക്ക് ചെയ്യുക