തമിഴ്നാട് മെർക്കന്റൈൽ ബാങ്ക് (TMB) ബ്രാഞ്ച് ഹെഡ് തസ്തികകളിലേക്ക് നിയമനം നടത്തുന്നതിനുള്ള ഔദ്യോഗിക വിജ്ഞാപനം പുറത്തിറക്കി. അകെ 20 ഒഴിവുകളാണ് ഉള്ളത്. കേരളത്തിലും ഒഴിവുകളുണ്ട്. 30 മുതൽ 35 വയസ്സ് വരെയുള്ളവർക്ക് അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി 31-01-2026.

കേരളം, കർണാടക, ഗുജറാത്ത്, മഹാരാഷ്ട്ര, ഡൽഹി, പശ്ചിമ ബംഗാൾ, രാജസ്ഥാൻ, ആന്ധ്രപ്രദേശ്, തെലങ്കാന എന്നിവിടങ്ങളിലായി ആകെ 20 ബ്രാഞ്ചുകളിലേക്കാണ് നിയമനം. കേരളത്തിൽ എറണാകുളം, കോഴിക്കോട്, തിരുവനന്തപുരം, തിരുവല്ല എന്നിവിടങ്ങളിൽ ഓരോ ഒഴിവുകളുണ്ട്.

യോഗ്യതയും പരിചയവും
അപേക്ഷകർ അംഗീകൃത സർവകലാശാലയിൽ നിന്നുള്ള ഏതെങ്കിലും വിഷയത്തിലെ ബിരുദം അല്ലെങ്കിൽ ബിരുദാനന്തര ബിരുദം നേടിയിരിക്കണം (റെഗുലർ കോഴ്സ്).

മാനേജർ പദവിക്ക് ബാങ്കിങ് രംഗത്ത് അസിസ്റ്റന്റ് മാനേജർ അല്ലെങ്കിൽ അതിന് മുകളിലുള്ള തസ്തികയിൽ കുറഞ്ഞത് 5 വർഷത്തെ പരിചയം വേണം.

സീനിയർ മാനേജർ പദവിക്ക് കുറഞ്ഞത് 8 വർഷത്തെ ബാങ്കിങ് പരിചയം ആവശ്യമാണ്; ഇതിൽ 4 വർഷം മാനേജർ കേഡറിൽ ആയിരിക്കണം.

അസിസ്റ്റന്റ് വൈസ് പ്രസിഡൻറ് (AVP) പദവിക്ക് കുറഞ്ഞത് 10 വർഷത്തെ ബാങ്കിങ് പരിചയം വേണം. ഇതിൽ 6 വർഷം മാനേജർ കേഡറിൽ, 2 വർഷം സീനിയർ മാനേജർ അല്ലെങ്കിൽ സമാന കേഡറിൽ ആയിരിക്കണം.

ശമ്പളം
മാനേജർ, സീനിയർ മാനേജർ, അസിസ്റ്റന്റ് വൈസ് പ്രസിഡൻറ് (AVP) പദവികൾക്ക് അനുയോജ്യമായ ശമ്പളവും ആനുകൂല്യങ്ങളും ബാങ്ക് മാനദണ്ഡങ്ങൾ പ്രകാരം ലഭിക്കും.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക

https://www.tmbnet.in/tmb_careers/doc/BranchHead.pdf