കേന്ദ്ര സർക്കാരിന് കീഴിൽ പ്രവർത്തിക്കുന്ന ശാസ്ത്ര-വ്യവസായ ഗവേഷണ കൗൺസിൽ (CSIR) അസിസ്റ്റന്റ് സെക്ഷൻ ഓഫീസർ (ASO) തസ്തികയിലേക്ക് ഓൺലൈൻ അപേക്ഷ ക്ഷണിച്ചു. 100 ഒഴിവുകളാണ് വിവിധ വിഭാഗങ്ങളിലായി റിപ്പോർട്ട് ചെയ്തിരിക്കുന്നത്.
യു പി എസ് സി 2024 സിവിൽ സർവീസ് പരീക്ഷയിൽ (CSE 2024) പങ്കെടുത്തെങ്കിലും നിയമന ശുപാർശ ലഭിക്കാത്ത ഉദ്യോഗാർഥികൾക്ക് മാത്രമാണ് അപേക്ഷിക്കാനാവുക. ഓൺലൈൻ അപേക്ഷ സമർപ്പിക്കാനുള്ള അവസാന തീയതി ജൂലൈ 13.
അസിസ്റ്റന്റ് സെക്ഷൻ ഓഫീസർ (ജനറൽ) – 61
അസിസ്റ്റന്റ് സെക്ഷൻ ഓഫീസർ (ഫിനാൻസ് & അക്കൗണ്ട്സ്) – 18
അസിസ്റ്റന്റ് സെക്ഷൻ ഓഫീസർ (സ്റ്റോർസ് & പർച്ചേസ്) – 21
അംഗീകൃത സർവകലാശാലയിൽ നിന്നുള്ള ബിരുദം ഉണ്ടായിരിക്കണം. കൂടാതെ 'UPSC Civil Services Examination 2024'-ൽ പങ്കെടുത്ത് നിയമന ശുപാർശ ലഭിക്കാത്ത (Non-Recommended) ഉദ്യോഗാർഥിയായിരിക്കണം. അപേക്ഷകരുടെ വിവരങ്ങൾ UPSC പ്രതിഭ സേതു (Pratibha Setu) പോർട്ടലിൽ ഉണ്ടായിരിക്കണം.
അപേക്ഷയുടെ അവസാന തീയതിയിൽ 33 വയസ് കവിയരുത്. എസ്.സി./എസ്.ടി. വിഭാഗക്കാർക്ക് 5 വർഷവും, ഒ.ബി.സി. (NCL) വിഭാഗക്കാർക്ക് 3 വർഷവും, ഭിന്നശേഷിക്കാർക്കും മുൻസൈനികർക്കും സർക്കാർ ചട്ടപ്രകാരമുള്ള പ്രായ ഇളവും ലഭിക്കും.
യു.ആർ, ഒ.ബി.സി (NCL), ഇ.ഡബ്ല്യു.എസ്. വിഭാഗക്കാർക്ക് 500 രൂപ അപേക്ഷാ ഫീസുണ്ട്. വനിതകൾ, എസ്.സി, എസ്.ടി, ഭിന്നശേഷിക്കാർ, മുൻസൈനികർ എന്നിവർക്ക് അപേക്ഷാ ഫീസ് ഇല്ല.
UPSC CSE 2024-ലെ മെയിൻ പരീക്ഷയുടെയും വ്യക്തിത്വ പരീക്ഷയുടെയും (Personality Test) മാർക്കിന്റെ അടിസ്ഥാനത്തിൽ ഉദ്യോഗാർഥികളെ ഷോർട്ട്ലിസ്റ്റ് ചെയ്യും.
തുടർന്ന് 100 മാർക്കിന്റെ കംപ്യുട്ടർ പ്രാവീണ്യ പരീക്ഷ (Computer Proficiency Test - CPT) നടത്തും.
സി.പി.ടി. യോഗ്യതാ പരീക്ഷ മാത്രമായിരിക്കും.
സി.പി.ടി. വിജയിക്കുന്നവരിൽ നിന്ന് UPSC മാർക്കിന്റെ അടിസ്ഥാനത്തിൽ അന്തിമ മെറിറ്റ് പട്ടിക തയ്യാറാക്കി നിയമനം നടത്തും
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക
https://www.csir.res.in/sites/default/files/2026-06/final_advt_aso.pdf
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates