ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ റിയല്മിയുടെ പുതിയ ഫോണായ റിയല്മി പി4എക്സ് ഫൈവ് ജി ഇന്ത്യന് വിപണിയില് അവതരിപ്പിച്ചു. പി4 സീരീസില് പുതിയ കൂട്ടിച്ചേര്ക്കലായാണ് പി4എക്സ് കൊണ്ടുവന്നത്. പി4, പി4 പ്രോ എന്നിവയാണ് ഈ സീരീസിലെ മറ്റു പ്രധാനപ്പെട്ട ഫോണുകള്.
7,000mAh ബാറ്ററിയും 45W ഫാസ്റ്റ് ചാര്ജിങ് പിന്തുണയുമുള്ള മൂന്ന് നിറങ്ങളിലാണ് പുതിയ സ്മാര്ട്ട്ഫോണ് വരുന്നത്. മീഡിയടെക് ഡൈമെന്സിറ്റി 7400 അള്ട്രാ ചിപ്സെറ്റിലാണ് ഇത് പ്രവര്ത്തിക്കുന്നത്. 8ജിബി വരെ റാമും 256ജിബി വരെ ഓണ്ബോര്ഡ് സ്റ്റോറേജും ഇതില് ഉള്പ്പെടുന്നു. 6.72 ഇഞ്ച് ഡിസ്പ്ലേയും 50 മെഗാപിക്സല് പ്രൈമറി സെന്സര് ഉള്പ്പെടുന്ന ഡ്യുവല് റിയര് കാമറ യൂണിറ്റും ഇതിലുണ്ട്. പൊടി, സ്പ്ലാഷ് പ്രതിരോധത്തിന് IP64 റേറ്റിങ്ങും ഉണ്ട്.
6ജിബി റാമും 128ജിബി സ്റ്റോറേജുമുള്ള മോഡലിന് 15,499 രൂപയാണ് വില. 8ജിബി +128ജിബി, 8ജിബി+256ജിബി മോഡലുകള്ക്ക് 16,999 രൂപയും 17,999 രൂപയുമാണ് യഥാക്രമം വില. മാറ്റ് സില്വര്, എലഗന്റ് പിങ്ക്, ലേക്ക് ഗ്രീന് എന്നി നിറങ്ങളില് ഇത് ലഭ്യമാണ്.
ഡ്യുവല് സിമ്മില് (നാനോ+നാനോ) വരുന്ന ഫോണ് UI 6.0ല് പ്രവര്ത്തിക്കുന്നു. 144Hz റിഫ്രഷ് റേറ്റുള്ള 6.72-ഇഞ്ച് ഫുള്-എച്ച്ഡി LCD പാനലാണ് ഇത് വാഗ്ദാനം ചെയ്യുന്നത്. 1,000 nits വരെ പീക്ക് ബ്രൈറ്റ്നസ് നല്കുന്നതാണ് ഡിസ്പ്ലേ. 18ജിബി വരെ വെര്ച്വല് റാമും ഹാന്ഡ്സെറ്റ് വാഗ്ദാനം ചെയ്യുന്നു. മൈക്രോ എസ്ഡി കാര്ഡ് ഉപയോഗിച്ച് സ്റ്റോറേജ് 2TB വരെ വികസിപ്പിക്കാം.
കാമറ വിഭാഗത്തില് ഫോണില് ഡ്യുവല് റിയര് കാമറ യൂണിറ്റ് ഉണ്ട്. അതില് 50-മെഗാപിക്സല് പ്രൈമറി കാമറയും 2-മെഗാപിക്സല് സെക്കന്ഡറി സെന്സറും ഉള്പ്പെടുന്നു. സെല്ഫികള്ക്കും വീഡിയോ ചാറ്റുകള്ക്കുമായി, 8 മെഗാപിക്സല് ഫ്രണ്ട് ഫേസിങ് കാമറയാണ് ഇതിലുള്ളത്. വേപ്പര് ചേമ്പര് ഉള്ക്കൊള്ളുന്ന ഫ്രോസണ് ക്രൗണ് കൂളിങ് സിസ്റ്റമാണ് മറ്റൊരു പ്രത്യേകത. കണക്റ്റിവിറ്റി ഓപ്ഷനുകളില് ബ്ലൂടൂത്ത്, 5G, 4G LTE, GPS, USB ടൈപ്പ്-സി പോര്ട്ട്, വൈ-ഫൈ എന്നിവ ഉള്പ്പെടുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates