ഏത് കാലാവസ്ഥയിലും അലട്ടുന്ന ഒരു പ്രശ്നമാണ് മുടി കൊഴിച്ചിൽ. എണ്ണ മാറ്റി പരീക്ഷിച്ചാലും മുടിയിൽ പലതരം ഹാക്കുകൾ പരീക്ഷിച്ചാലും ഈ പ്രശ്നം മാറണമെന്നില്ല. കാരണം, യഥാർഥ കാരണം ഒരുപക്ഷെ നിങ്ങളുടെ ഭക്ഷണക്രമത്തിലായിരിക്കാം ഒളിഞ്ഞിരിക്കുന്നത്. ചില ഭക്ഷണങ്ങള്‍ മുടിയുടെ ആരോഗ്യം വര്‍ധിപ്പിക്കുന്ന പോലെ തന്നെ ചില ഭക്ഷണങ്ങള്‍ മുടിയുടെ ആരോഗ്യം നശിപ്പിക്കാനും കാരണമാകും.

ആരോ​ഗ്യ വാർത്തകൾ കൂടുതൽ അറിയാൻ വാട്സ്ആപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

കാര്‍ബോഹൈട്രേറ്റ്‌സ്

ശുദ്ധീകരിച്ച പഞ്ചസാര, ധാന്യങ്ങള്‍ പോലുള്ള സിംപിള്‍ കാര്‍ബോഹൈഡ്രേറ്റുകള്‍ ഉയര്‍ന്ന അളവില്‍ കഴിക്കുന്നത് മുടി കൊഴിച്ചില്‍ കൂട്ടും. 2016-ല്‍ നടത്തിയ ഒരു പഠനത്തില്‍ കാര്‍ബോഹൈഡ്രേറ്റുകള്‍ അധികം അടങ്ങിയ ഭക്ഷണക്രമം, തലമുടിയില്‍ സെബം ഉല്‍പാദനം വര്‍ധിപ്പിക്കാം.

ഇത് ഹെയര്‍ ഫോളിക്കുകളില്‍ വീക്കം ഉണ്ടാക്കാനും അത് അവയുടെ ആരോഗ്യം മോശമാക്കാനും കാരണമാകുന്നു. മാത്രമല്ല, പഞ്ചസാര അടങ്ങിയ ഭക്ഷണങ്ങള്‍ രക്തത്തിലെ ഇന്‍സുലിന്‍ ഉയരാനും സ്‌കാല്‍പ്പിലേക്കുള്ള രക്തക്കുഴലുകളെ ബാധിക്കുകയും മുടിയുടെ വളര്‍ച്ച തടയുകയും ചെയ്യുന്നു.

മെര്‍ക്കുറി അടങ്ങിയ മീന്‍

മത്സ്യം പൊതുവെ ആരോഗ്യകരമായ ഭക്ഷണമെന്ന് കരുതുമ്പോഴും ടൂണ പോലുള്ള ചില മത്സ്യങ്ങളില്‍ മെര്‍ക്കുറി അടങ്ങിയിട്ടുണ്ട്. 2019-ല്‍ നടത്തിയ ഒരു കേസ് സ്റ്റഡിയില്‍ മെര്‍ക്കുറി അടങ്ങിയ മീന്‍ കഴിക്കുന്നത് മുടി കൊഴിച്ചിലിന് കാരണമാകുമെന്ന് കണ്ടെത്തിയിരുന്നു. ഇത്തരം മത്സ്യങ്ങള്‍ ഒഴിവാക്കുന്നത് മെര്‍ക്കുറി ശരീരത്തില്‍ എത്തുന്നത് തടയുകയും മുടിയുടെ ആരോഗ്യം മെച്ചപ്പെടുത്തുകയും ചെയ്യുന്നു.

മധുരപാനീയങ്ങള്‍

മധുരപാനിയങ്ങള്‍ അധികമായി കുടിക്കുന്നത് പുരുഷന്മാരില്‍ മുടി കൊഴിച്ചില്‍ കൂട്ടാനുള്ള സാധ്യത വര്‍ധിപ്പിക്കുന്നു. പല പഠനങ്ങളും ഇത് ശരി വെയക്കുന്നു.

കലോറി കുറഞ്ഞ ഭക്ഷണക്രമം

ശരീരഭാരം കുറയ്ക്കുന്നതിനായി പലപ്പോഴും നമ്മള്‍ കലോറി കുറഞ്ഞ ഭക്ഷണക്രമം തിരഞ്ഞെടുക്കാറുണ്ട്. എന്നാല്‍ ഇത് ആരോഗ്യകരമായ മുടി വളരുന്നതിന് ആവശ്യമായ പ്രോട്ടീന്‍, ഫാറ്റി ആസിഡുകള്‍, സിങ്ക് പോലുള്ള പോഷകങ്ങളുടെ അഭാവത്തിലേക്ക് നയിക്കുന്നു. മാത്രമല്ല, ശരീരഭാരം കുറയുന്നതു മൂലം ശരീരകോശങ്ങളുടെ അളവു കുറയുന്നതും മുടി കൊഴിച്ചിലിന് കാരണമാകാം. എന്നാല്‍ ഇത് തല്‍ക്കാലികമാണ്.

ചില വിറ്റാമിനുകളുടെയും ധാതുക്കളുടെയും കുറവും മുടി കൊഴിച്ചിലിന് കാരണമാകാം. വിറ്റാമിന്‍ ഡി, ബി12, ബോട്ടിന്‍, ഫോലേറ്റ് അല്ലെങ്കില്‍ റിബോഫ്ലവിന്‍ പോലുള്ളവയുടെ അഭാവം മുടിയുടെ കട്ടി കുറയ്ക്കാനും മുടി കൊഴിച്ചിലിനും കാരണമാകുന്നുണ്ട്. ഈ പോഷകങ്ങള്‍ ശരീരത്തില്‍ ഉണ്ടാകേണ്ടത് ആരോഗ്യകരമായ മുടിയുടെ വളര്‍ച്ചയ്ക്ക് സഹായിക്കുന്നു.