പല പ്രതിജ്ഞങ്ങളും എടുത്തുകൊണ്ടാകും പുതുവര്ഷ തുടക്കം. അതില് ശരീരം നന്നാക്കാന് ജിമ്മില് പോയിത്തുടങ്ങുക എന്ന ലക്ഷ്യമായിരിക്കും ഏറ്റവും മുകളില് ഉണ്ടാവുക. എന്നാല് ഇത്തരം പ്രതിജ്ഞങ്ങളിലേക്ക് എടുത്തു ചാടുന്നതിന് മുന്പ് ആരോഗ്യത്തിന്റെ തല്സ്ഥിതി അറിയേണ്ടതും അത്യാവശ്യമാണ്. അതുകൊണ്ട് ജിമ്മില് പോകുന്നതിന് മുന്പ് ചില പരിശോധനകള് നടത്തേണ്ടത് നിര്ബന്ധമാണ്.
എച്ച്ബിഎ1സിയും ലിപിഡ് പ്രൊഫൈലും
അമിതവണ്ണമുള്ളവരിൽ രക്തത്തിലെ പഞ്ചസാരയുടെ അളവും കൊളസ്ട്രോളും കൂടുതലായിരിക്കും. എന്നാൽ അമിതവണ്ണമില്ലാത്തവരിലും മെറ്റബോളിക്കുമായി ബന്ധപ്പെട്ട മെറ്റബോളിക് ഒബ്സിറ്റി വരാമെന്ന് ഡോക്ടര് പറയുന്നു.
ഇതിനാല് രക്തത്തിലെ പഞ്ചസാരയുടെ മൂന്ന് മാസത്തെ ശരാശരി അളക്കുന്ന എച്ച്ബിഎ1സി പരിശോധന ചെയ്ത് നോക്കി പ്രീഡയബറ്റീസ് ഘട്ടത്തില് അല്ലെന്ന് ഉറപ്പാക്കേണ്ടതുണ്ട്. അതുപോലെ ടോട്ടല് കൊളസ്ട്രോളിന് പകരം ലിപിഡ് പ്രൊഫൈല് എടുത്ത് നോക്കി, ട്രൈഗ്ലിസറൈഡ് ടു എച്ച്ഡിഎല് അനുപാതം കണ്ടെത്തണം. ഹൃദ്രോഗസാധ്യതയെ കുറിച്ച് മുന്നറിയിപ്പ് നല്കാന് അഡ്വാന്സ്ഡ് ലിപിഡ് പ്രൊഫൈലിന് സാധിക്കും.
പോഷണങ്ങളുടെ അളവ്
പോഷണങ്ങളുടെ പര്യാപ്തത അളക്കുന്നത് നല്ലതാണ്. വിറ്റാമിൻ ഡി, ബി12 എന്നിവയുടെ അപര്യാപ്തത വിഷാദം, ബ്രെയ്ൻ ഫോഗ്, മൂഡ് മാറ്റങ്ങൾ, എല്ലുകൾ ദുർബലമാവുക എന്നിവയിലേക്ക് നയിക്കാം.
അതുപോലെ സ്ത്രീകളില് ഹീമോഗ്ലോബിൻ്റെ അളവ് മാത്രം പൂര്ണ്ണമായ ചിത്രം നല്കില്ല. ശരീരത്തിലെ അയണിന്റെ കുറവ് മുടികൊഴിച്ചില്, നിരന്തരമായ ക്ഷീണം എന്നിവയ്ക്ക് കാരണമാകാം. ഇതിനാല് ഈ പോഷണങ്ങളുടെ അളവ് പരിശോധിച്ച് ആവശ്യമെങ്കില് ഡോക്ടറുടെ നിര്ദ്ദേശപ്രകാരം സപ്ലിമെന്റുകള് എടുക്കേണ്ടതാണ്.
ഹൃദയത്തിന്റെ സുരക്ഷ
ജിമ്മിൽ പോയി തുടങ്ങി ആദ്യ ആവേശത്തിൽ തീവ്രമായ വ്യായാമം ചെയ്യുന്നത് ചിലരിൽ ഹൃദയാഘാതം വരെ ഉണ്ടാക്കാം. തീവ്ര വ്യായാമങ്ങൾ ആരംഭിക്കുന്നതിന് മുൻപ് ഇതിനാൽ ഹൃദയത്തിൻ്റെ അവസ്ഥ കൂടി പരിശോധിച്ച് ഉറപ്പ് വരുത്തണം. ഹൈ-സെന്സിറ്റിവിറ്റി സി-റിയാക്ടീവ് പ്രോട്ടീന്(എച്ച്എസ്-സിആര്പി) രക്തധമനികളിലെ നീര്ക്കെട്ടിനെ അളക്കും.
ഇത് ഉയര്ന്ന തോതിലാണെങ്കില് ഹൃദയത്തിലെ ധമനികള് സമ്മര്ദത്തിലാണെന്ന് മനസ്സിലാക്കാം. കൊളസ്ട്രോള് തോത് സാധാരണ തോതിലായിരിക്കുന്നവരില് പോലും എച്ച്എസ് സിആര്പി ഉയരെയാണെങ്കില് സൂക്ഷിക്കേണ്ടതാണ്. ഹൃദയത്തിന്റെ താളം സാധാരണ തോതിലാണോ എന്നറിയാന് വിശ്രമിക്കുമ്പോഴുള്ള ഇസിജി നിരക്കും എടുക്ക് നോക്കേണ്ടതാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates