ഗർഭിണികൾ ആപ്പിൾ കഴിച്ചാൽ ജനിക്കാൻ പോകുന്ന കുഞ്ഞിന് മാത്രമല്ല വരും തലമുറകൾക്ക് കൂടി ​ഗുണം ലഭിക്കുമെന്ന് പഠനം. ഓസ്‌ട്രേലിയയിലെ മൊനാഷ് യൂണിവേഴ്‌സിറ്റി ബയോമെഡിസിൻ ഡിസ്‌കവറി ഇൻസ്റ്റിറ്റ്യൂട്ടിന്റെ പഠനത്തിലാണ് കണ്ടെത്തൽ. ആപ്പിളിലെ എർസോളിക് ആസിഡാണ് തലച്ചോറിന്റെ ആരോഗ്യം കാക്കുന്നത്. 

ആപ്പിൾ മാത്രമല്ല, തുളസി, റോസ്മെറി, തൈം പോലെ എർസോളിക് ആസിഡ് അടങ്ങിയ ഔഷധസസ്യങ്ങൾ ഗർഭകാലത്തെ ഭക്ഷണത്തിൽ ഉൾപ്പെടുത്തുന്നവർ വരും തലമുറകളുടെ ബുദ്ധി കൂട്ടുകയാണ്. തലച്ചോറിലെ ന്യൂറോണുകളെ തമ്മിൽ ബന്ധിപ്പിക്കുന്ന ആക്‌സൊൻ ശൃംഖലയ്ക്കു ബലക്ഷയമുണ്ടാകാതിരിക്കാൻ എർസോളിക് ആസിഡ് സഹായിക്കുന്നതായി ഗവേഷണത്തിന് നേതൃത്വം നൽകിയ പ്രഫ. റോജർ പോകോക്ക് പറഞ്ഞു. ഗവേഷണത്തിന്റെ ഭാഗമായ പഠനം നേച്ചർ സെൽ ബയോളജിയിൽ പ്രസിദ്ധീകരിച്ചു. 

ഈ വാര്‍ത്ത കൂടി വായിക്കൂ 

എന്താണ് എയർ എംബോളിസം? മരണം വരെ സംഭവിച്ചേക്കാം, എങ്ങനെ? 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ