ഷൂബൈറ്റ് ഒഴിവാക്കാനും ദുർഗന്ധം കുറയ്ക്കാനുമൊക്കെ ഷൂസിനൊപ്പം നമ്മൾ സോക്സ് ധരിക്കാറുണ്ട്. നമ്മുടെ ചർമവുമായി നേരിട്ട് സമ്പർക്കം പുലർത്തുന്നവയാണ് സോക്സുകൾ. അതുകൊണ്ട് തന്നെ ഓരോ തവണ ഉപയോഗിക്കുമ്പോഴും സോക്സ് കഴുകി വേണം ഉപയോഗിക്കാൻ.
ഒന്നിലേറെ തവണ കഴുകാത്ത സോക്സ് ധരിക്കുമ്പോൾ സ്റ്റാഫൈലോകോക്കസ് ഓറിയസ്, ആസ്പർജില്ലസ് സ്പീഷീസുകൾ പോലുള്ള ദോഷകരമായ വിവിധതരം ബാക്ടീരിയകളും ഫംഗസുകളും പെരുകാനും ആരോഗ്യപ്രശ്നങ്ങൾ ഉണ്ടാക്കാനും കാരണമാകും. ചൂടും ഈർപ്പവും നിറഞ്ഞ അന്തരീക്ഷത്തിൽ ഇത്തരം സൂക്ഷ്മാണുക്കൾ വേഗത്തിൽ വളരാൻ സാധ്യതയുണ്ട്.
കഴുകാത്ത സോക്സുകളിൽ വിയർപ്പ് അടിഞ്ഞു കൂടി, ബാക്ടീരിയകളും ഫംഗസുകളും പെരുകാനുള്ള സാധ്യതയുണ്ട്.
കാലുകളിൽ ചൊറിച്ചിൽ, തൊലി പൊളിഞ്ഞു പോകുക, വേദനാജനകമായ കുമിളകൾ എന്നിവ ഉണ്ടാകും.
ദീർഘനേരത്തെ ഉപയോഗം ചർമത്തിലും കാൽവിരലുകൾക്കും കേടുപാടുകൾ വരുത്തും.
കാലിലെ മുറിവുകൾ വഷളാക്കാനും ഗുരുതരമായ അണുബാധയുണ്ടാകാനും സാധ്യത.
ഇറുകിയ സോക്സിനോട് ബൈ പറയാം
മഴക്കാലങ്ങളിൽ സോക്സ് ഒഴിവാക്കാം
ഈർപ്പമോ നനവോ ഉള്ള സോക്സുകൾ ഉപയോഗിക്കരുത്
സോക്സ് അഴിച്ചതിന് ശേഷം ചൂടുവെള്ളത്തിൽ കാലുകൾ കഴുകുക
കാലിൽ മുറിവുകളുള്ളപ്പോൾ സോക്സ് ധരിക്കരുത്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates