കറാച്ചി ഫ്രൂട്ട് ബിസ്കറ്റുകള്‍ കറാച്ചിയില്‍ നിന്നാണ് വരുന്നതെന്ന് കുറേപ്പേരെങ്കിലും തെറ്റിദ്ധരിച്ചിട്ടുണ്ടാകും. ചിലരൊക്കെ ഇതെവിടെ നിന്ന് വരുന്നതെന്ന് അന്വേഷണം നടത്തുന്നതിന്റെ ഭാഗമായി ഗൂഗിള്‍ ചെയ്തു ഉറവിടം കണ്ടുപിടിച്ചിട്ടുണ്ടാകും.

എന്നാല്‍ കുറച്ചുദിവസങ്ങളായി ഹൈദരാബാദിലെ കറാച്ചി ബേക്കറിയ്ക്കെതിരെ നടക്കുന്ന പ്രതിഷേധങ്ങളെ തുടര്‍ന്ന് ഏറെക്കുറെ എല്ലാവരും ഈ ബിസ്കറ്റ് ഹൈദരാബാദിലെ പ്രശസ്തമായ കറാച്ചി ബേക്കറിയുടെ സിഗ്നേച്ചര്‍ ഉല്‍പന്നമാണെന്ന് മനസ്സിലാക്കിയിട്ടുണ്ടാകണം. വിഭജനകാലത്ത് കറാച്ചിയില്‍ നിന്നും ഹൈദരാബാദിലേക്ക് കുടിയേറിയ ഖാന്‍ചന്ദ് രാംനാനി എന്ന സിന്ധി ഹിന്ദുവാണ് ഈ ബേക്കറി സ്ഥാപിച്ചത്.

ഏറെ ജനപ്രീതിയാര്‍ജ്ജിച്ച കറാച്ചി ബിസ്കറ്റുകള്‍ മുട്ട ചേര്‍ക്കാതെ നമുക്ക് വീട്ടിലും ഉണ്ടാക്കാം.

കറാച്ചി ഫ്രൂട്ട് ബിസ്കറ്റ് പാചകക്കുറിപ്പ്

ഈ ബിസ്‌ക്കറ്റുകളുടെ പാചകക്കുറിപ്പ് ലളിതമാണ്, വീട്ടില്‍ എളുപ്പത്തില്‍ ചെയ്യാവുന്നത്. ഇവ കൂടുതൽ നേരം കേടാകാതെ ഇരിക്കണമെങ്കില്‍ ചേരുവകളുടെ ഗുണനിലവാരത്തിലുള്ള ശ്രദ്ധ അനിവാര്യമാണ്.

എത്ര അളവ് ബേക്ക് ചെയ്യണമെന്നും എത്ര നേരം സൂക്ഷിക്കണമെന്നും തീരുമാനിക്കേണ്ടത് നിങ്ങളാണ്. കുക്കി ഉണ്ടാക്കുന്നതിനായി തയ്യാറാക്കുന്ന മാവ് നിങ്ങൾക്ക് ഇഷ്ടമുള്ള സമയത്തെടുത്ത് ഫ്രീസ് ചെയ്ത് പുതിയ കുക്കികൾ ഉണ്ടാക്കാമെന്നുള്ള കാര്യം ഓര്‍മ വേണം.

ചേരുവകൾ

210 ഗ്രാം മൈദ

200 ഗ്രാം ഓർഗാനിക് പഞ്ചസാര

70 ഗ്രാം കസ്റ്റാർഡ് പൗഡർ

60 ഗ്രാം ടുട്ടി ഫ്രൂട്ടി

5 ടേബിൾസ്പൂൺ പാൽ

1/2 ടീസ്പൂൺ ബേക്കിംഗ് പൗഡർ തണുത്തത്

1 ടീസ്പൂൺ പൈനാപ്പിൾ എസ്സെൻസ്

120 ഗ്രാം ഉപ്പില്ലാത്ത വെണ്ണ

1/4 ടീസ്പൂൺ ഉപ്പ്

തയ്യാറാക്കുന്ന വിധം

1. ആദ്യം ഒരു പാത്രത്തിൽ സാള്‍ട്ടഡ് ബട്ടർ , പൈനാപ്പിൾ എസ്സെൻസ്, പാൽ, പഞ്ചസാര എന്നിവ എടുത്ത് നന്നായി ഇളക്കണം. നിങ്ങൾക്ക് ഒരു സ്വാദിഷ്ടമായ മിശ്രിതം ലഭിക്കും.

2. മറ്റൊരു പാത്രത്തിൽ, മൈദ, ബേക്കിംഗ് പൗഡർ, ഉപ്പ് (സാള്‍ട്ടഡ് ബട്ടര്‍ ആണെങ്കില്‍ ഉപ്പ് വേണ്ട) , കസ്റ്റാർഡ് പൗഡർ, ടുട്ടി-ഫ്രൂട്ടി എന്നിവ എടുക്കുക. ചേരുവകൾ ശരിയായി മിക്സ് ചെയ്യുക. ഉണങ്ങിയ ചേരുവകൾ നനഞ്ഞ ചേരുവകളോടൊപ്പം ചേർത്ത് തുടങ്ങുക. എല്ലാ ചേരുവകളും ചേർത്ത് ഒരു മാവ് ഉണ്ടാക്കുക. അധികം കുഴയ്ക്കാതിരിക്കാന്‍ ശ്രദ്ധിക്കുക.

3. ഒരു പ്ലാസ്റ്റിക് റാപ്പെടുത്ത് അതിൽ മാവ് വയ്ക്കുക.

4. മാവ് ഒരു ചപ്പാത്തിക്കോലിന്റെ രൂപത്തില്‍ ഉരുട്ടിയെടുക്കുക. ഇത് നന്നായി പൊതിഞ്ഞ് ഏകദേശം 30 മിനിറ്റ് ഫ്രിഡ്ജിൽ വയ്ക്കുക.

5. ഓവൻ 180°C-ൽ ചൂടാക്കുക. ഇനി മാവ് പുറത്തെടുത്ത് കാല്‍ ഇഞ്ച് കട്ടിയുള്ള കഷണങ്ങളാക്കി മുറിക്കുക.

6. ബേക്കിംഗ് ട്രേയിൽ ഒരു പാർച്ചമെന്റ് പേപ്പർ വയ്ക്കുക, ഓരോ സ്ലൈസും അതിൽ വയ്ക്കുക, ബേക്കിംഗ് ചെയ്യുമ്പോൾ കുക്കികൾ വികസിക്കുമെന്നതിനാൽ ഇടയിൽ കുറച്ച് സ്ഥലം വിടണം.

7. ഈ കുക്കികൾ പ്രീഹീറ്റ് ചെയ്ത ഓവനിൽ 12-15 മിനിറ്റ് ബേക്ക് ചെയ്യുക. പാകം ചെയ്ത ശേഷം, ബേക്ക് ചെയ്ത കുക്കികൾ ഒരു വയർഡ് റാക്കിൽ കുറച്ച് സമയം വയ്ക്കുക.

ഇനി ഈ കുക്കികള്‍ ചായയോടൊപ്പം വിളമ്പാം!