സൗത്ത് ഇന്ത്യൻ സ്പെഷ്യൽ വിഭവങ്ങൾക്ക് ആരാധകർ ഒരുപാടുണ്ട് എന്നകാര്യത്തിൽ സംശയമില്ല. ഇക്കൂട്ടത്തിൽ ഇപ്പോൾ വൈറലായിരിക്കുന്നത് നമ്മുടെ സ്വന്തം പപ്പടമാണ്. മലേഷ്യയിലാണ് പപ്പടത്തിന്റെ പുതിയ ആരാധക, പക്ഷെ പപ്പടം എന്നുപറഞ്ഞാൽ കാര്യം പിടികിട്ടണമെന്നില്ല. പപ്പടത്തിന് അടിമുടി മേക്കോവർ നൽകി 'ഏഷ്യൻ നാച്ചോസ് ' എന്ന പേരിലാണ് കച്ചവടം. വിലയും ഒട്ടും കുറയില്ല. 

സാമന്ത എന്ന വ്യക്തി പങ്കുവച്ച ട്വീറ്റാണ് ഇപ്പോൾ ശ്രദ്ധനേടുന്നത്. ‘ഒരു പാചക കുറ്റകൃത്യം നടന്നിട്ടുണ്ട്’എന്ന് കുറിച്ച ട്വീറ്റിൽ കോലാലംമ്പൂരിലെ ഒരു ഹോട്ടലിൽ 500 രൂപയ്ക്ക് ഏഷ്യൻ നാച്ചോസ് എന്ന പേരിൽ പപ്പടം വിതരണം ചെയ്യുന്ന വിവരമാണ് പങ്കുവച്ചത്. പപ്പടത്തിനൊപ്പം അവോക്കാ‍ഡോയും ടാമറിൻഡ് സൽസയും ക്രിസ്പി ഷല്ലോട്സും ചേ‌ർത്താണ് പപ്പടം വിളമ്പുന്നത്. 

ഒന്നു കടൽ കടന്നപ്പോഴേക്ക് പപ്പടത്തിനുണ്ടായ മാറ്റം പലരെയും അമ്പരപ്പിച്ചിരിക്കുകയാണ്. പപ്പടത്തിന്റെ പേര് മാറ്റം അധികമാർക്കും ദഹിച്ചിട്ടില്ല. വിലയെ കുറിച്ചുള്ള വിമർശനങ്ങളും ഏറെയാണ്. ഇത്ര സിംപിളായി ഉണ്ടാക്കാവുന്ന പപ്പടത്തിന് എന്തിനാണ് ഇത്രയധികം വില ഈടാക്കുന്നത് എന്നാണ് ഇക്കൂട്ടർ ചോദിക്കുന്നത്. 

ഈ വാര്‍ത്ത കൂടി വായിക്കൂ 

കല്യാണം വേണ്ട, തനിച്ചുള്ള ജീവിതമാണ് കൂടുതൽ സുഖം; ഇന്ത്യയിലെ 81 ശതമാനം പെൺകുട്ടികൾ പറയുന്നു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ