ബാലി: ഇന്തോനേഷ്യയിലെ ബാലിയില്‍ വിനോദ സഞ്ചാരത്തിനായി എത്തിയ ഇന്ത്യന്‍ സംഘം മോഷണ ശ്രമത്തിനിടെ കയ്യോടെ പിടിക്കപ്പെട്ടു. താമസിച്ചിരുന്ന ഹോട്ടല്‍ മുറിയില്‍ നിന്നും സാധനങ്ങള്‍ മോഷ്ടിക്കുകയായിരുന്നു കുടുംബം. 

ഹോട്ടലിലെ താമസം കഴിഞ്ഞ ബാഗുമായി കുടുംബം തിരികെ ഇറങ്ങുമ്പോഴാണ് ഹോട്ടല്‍ ജീവനക്കാര്‍ ഇവരെ പിടികൂടിയത്. ബാഗില്‍ നിന്നും ഹോട്ടല്‍ മുറിയിലെ സാധനങ്ങള്‍ കണ്ടെടുക്കുകയും ചെയ്തു. ഇവരുടെ ബാഗുകള്‍ പരിശോധിക്കുന്ന വീഡിയോയാണ് ഇപ്പോള്‍ സമൂഹമാധ്യമങ്ങളില്‍ പ്രചരിക്കുന്നത്. 

ആദ്യം ഹോട്ടല്‍ ജീവനക്കാരുമായി കുടുംബം തര്‍ക്കിച്ചെങ്കിലും പിന്നാലെ ബാഗുകളില്‍ നിന്ന് ടൗവ്വലുകള്‍ ഇലക്ട്രോണിക് സാധനങ്ങള്‍, അലങ്കാര വസ്തുക്കള്‍ എന്നിവ കണ്ടെടുത്തതോടെ ഹോട്ടല്‍ ജീവനക്കാരോട് കുടുംബം ക്ഷമ ചോദിക്കലായി. പണം നല്‍കാമെന്നും കുടുംബം ഇവരോട് പറയുന്നുണ്ട്.