തിമിം​ഗലങ്ങൾ എന്നും കൗതുകകാഴ്ചയാണ്.  അലാസ്കയിലെ മരം കോച്ചുന്ന തണുപ്പുള്ള വെള്ളത്തില്‍ വേട്ടയാടാനെത്തിയ കൂനന്‍ തിമിംഗലങ്ങളുടെ ദൃശ്യങ്ങളാണ് ഇപ്പോൾ സോഷ്യൽമീഡിയയിൽ വ്യാപകമായി പ്രചരിക്കുന്നത്. ഹവായ് സര്‍വകലാശാലയിലെ ഗവേഷകരാണ് ഈ ദൃശ്യങ്ങള്‍ പകര്‍ത്തിയത്. 

വല വിരിച്ചാണ് കൂനന്‍ തിമിംഗലം ഇരപിടിക്കുന്നത്. സ്വയം ഉൽപാദിപ്പിക്കുന്ന കുമിളകള്‍ കൊണ്ടാണ് ഈ തിമിംഗലങ്ങള്‍ വല വിരിക്കുന്നത്. 
ഇങ്ങനെ ഇര പിടിക്കുന്ന തിമിംഗലങ്ങളുടെ മനോഹരമായ ആകാശ കാഴ്ചയും ഒപ്പം തന്നെ തിമിംഗലങ്ങളുടെ തന്നെ ശരീരത്തിൽ ഘടിപ്പിച്ച ക്യാമറയിലെ ദൃശ്യങ്ങളുമാണ് ഒരു സംഘം ഗവേഷകര്‍ പുറത്തു വിട്ടിരിക്കുന്നത്.