Padayappa Attacks House 
Idukki

വീടിന് നേരെ പടയപ്പയുടെ ആക്രമണം; വാതിൽ തകർത്ത് അകത്തുകയറിയ ആനയുടെ മുന്നിൽ നിന്ന് കുടുംബം അത്ഭുതകരമായി രക്ഷപെട്ടു|VIDEO

കൃഷികൾ നശിപ്പിച്ച ശേഷമാണ് പ്രദേശവാസിയായ സുട്ടുസ്വാമിയുടെ വീടിന്റെ മുൻവാതിൽ തകർത്ത് അകത്തുകയറിയത്

Author : സമകാലിക മലയാളം ഡെസ്ക്
Edited By : Damodaran K

മൂന്നാർ: മൂന്നാറിൽ വീണ്ടും കാട്ടാന പടയപ്പയുടെ ആക്രമണം. ഗ്രഹാംസ്‌ലാൻഡ് എസ്റ്റേറ്റിലെ ന്യൂ ഡിവിഷനിൽ പുലർച്ചെയുണ്ടായ പടയപ്പയുടെ ആക്രമണത്തിൽ നിന്ന് കുടുംബം തലനാരിഴയ്ക്കാണ് രക്ഷപ്പെട്ടത്. പുലർച്ചെ നാലുമണിയോടെ ജനവാസ മേഖലയിലെത്തിയ ആന തോട്ടത്തിലെ കൃഷികൾ നശിപ്പിച്ച ശേഷമാണ് പ്രദേശവാസിയായ സുട്ടുസ്വാമിയുടെ വീടിന്റെ മുൻവാതിൽ തകർത്ത് അകത്തുകയറിയത്.

പുലർച്ചെ നാലുമണിയോടെ എത്തിയ പടയപ്പ ഏകദേശം അഞ്ചേമുക്കാൽ വരെ മേഖലയിൽ ഭീതി വിതച്ചു. മുറിയിൽ കിടന്നുറങ്ങുകയായിരുന്ന സുട്ടുസ്വാമിയുടെ കട്ടിൽ ആന വലിച്ചുനീക്കുകയായിരുന്നു. ഈ സമയം ഉടൻ തന്നെ സമീപത്തു കിടന്നിരുന്ന തയ്യൽ മെഷീന്റെ പിന്നിലേയ്ക്ക് കയറി ഒളിച്ചതിനാൽ മാത്രമാണ് സൂട്ടുസ്വാമിയും ഭാര്യ ജയപാർവതിയും വലിയൊരു ദുരന്തത്തിൽ നിന്ന് രക്ഷപ്പെട്ടത്. സമീപത്തെ ലയങ്ങളിലുള്ളവർ ബഹളം വെച്ചിട്ടും പടയപ്പ പിൻവാങ്ങാൻ തയ്യാറായില്ല.

വിവരമറിയിച്ചതിനെ തുടർന്ന് വനംവകുപ്പിന്റെ റാപ്പിഡ് റെസ്പോൺസ് ടീം (ആർ.ആർ.ടി) സ്ഥലത്തെത്താൻ ശ്രമിച്ചെങ്കിലും വഴിയിൽ തടിലോറി കുടുങ്ങിയതിനാൽ സംഘത്തിന്റെ വരവ് വൈകി. ആക്രമണത്തിൽ വീടിന്റെ മേൽക്കൂരയും മുൻവാതിലും കട്ടിലും മറ്റ് വീട്ടുപകരണങ്ങളും പച്ചക്കറിക്കൃഷിയും പൂർണ്ണമായും തകർന്നിട്ടുണ്ട്.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'പിണറായിയുടെ മന്ത്രിസഭയല്ല, ക്യാബിനറ്റിൽ പല കാര്യങ്ങളിലും തർക്കമുണ്ടായി, അത് അഭിമാനത്തോടെ അംഗീകരിക്കുന്നു'

I B M-മായി കൈകോർത്ത് ശ്രീനാരായണ ഗുരു ഓപ്പൺ യൂണിവേഴ്സിറ്റി; 10 സർട്ടിഫിക്കറ്റ് കോഴ്സുകൾ വരുന്നു

'വായ്പാ തുക തിരിച്ചടച്ചുവെന്നത് കുറ്റകൃത്യത്തെ ഇല്ലാതാക്കില്ല'; കള്ളപ്പണ കേസ് റദ്ദാക്കണമെന്നാവശ്യപ്പെട്ടുള്ള ഹർജി ഹൈക്കോടതി തള്ളി

ഭാവി സേഫ് ആക്കണോ?, എന്താണ് 50-30-20 റൂള്‍?; വിശദാംശങ്ങള്‍

'വാപ്പയുടെയും മോന്റെയും സിനിമ ഒരു ദിവസം തിയറ്ററിൽ, ഉമ്മ ആരുടെ സിനിമ കാണും ?'; രസകരമായ മറുപടിയുമായി ദുൽഖർ