Sukesh Dijil. 
Kannur

വിവാഹ സത്കാരത്തിനിടെ പള്ളിക്കുന്നിലെ മിൽ ഉടമയെ മർദ്ദിച്ചു കൊന്ന കേസ്; ഒളിവിലായിരുന്ന ബിജെപി പ്രവർത്തകർ അറസ്റ്റിൽ

ഇതോടെ കേസിൽ അറസ്റ്റിലായവരുടെ എണ്ണം മൂന്നായി

Author : സമകാലിക മലയാളം ഡെസ്ക്
Edited By : Damodaran K

കണ്ണൂർ: കണ്ണൂർ നഗരത്തിലെ പള്ളിക്കുന്ന് മാക്കുനി റോഡിൽ വിവാഹ സത്കാരത്തിനിടെ മർദ്ദനമേറ്റ് ചികിത്സയിലിരിക്കെ പള്ളിക്കുന്ന് കൊക്കേൻപാറ സ്വദേശിയും ധന്യ മിൽ ഉടമയുമായ സുമേശൻ (54) മരിച്ച സംഭവത്തിൽ ഒളിവിൽ കഴിഞ്ഞിരുന്ന രണ്ട് പ്രതികൾ കൂടി പൊലീസ് പിടിയിലായി. സജീവ ബിജെപി പ്രവർത്തകരായ പള്ളിക്കുന്ന് സ്വദേശി എം. സുകേഷ് (32), ഇടച്ചേരിയിലെ ടി. ദിജിൽ (37) എന്നിവരെയാണ് പൊലീസ് അറസ്റ്റ് ചെയ്തത്.

വയനാട് മക്കിമലയിൽ ഒളിവിൽ കഴിയുകയായിരുന്ന പ്രതികളെ ശനിയാഴ്ച രാത്രി എട്ട് മണിയോടെയാണ് പൊലീസ് പിടികൂടിയത്. കേസുമായി ബന്ധപ്പെട്ട് മറ്റൊരു ബിജെ.പി പ്രവർത്തകനായ പള്ളിക്കുന്ന് സ്വദേശി വിപി ശരത്തിനെ (38) നേരത്തെ കണ്ണൂർ സിറ്റി കുറുവയിൽ നിന്ന് പിടികൂടിയിരുന്നു. ഇതോടെ കേസിൽ അറസ്റ്റിലായവരുടെ എണ്ണം മൂന്നായി. മനഃപൂർവ്വമല്ലാത്ത നരഹത്യയ്ക്കാണ് ഇവർക്കെതിരെ കേസെടുത്തിരിക്കുന്നത്. കേസിൽ ഏഴ് പ്രതികളെ കൂടി പിടികൂടാനുണ്ടെന്ന് പൊലീസ് അറിയിച്ചു.

വിവാഹ സത്കാര വീട്ടിൽ മദ്യപാനത്തിനിടെ മില്ലിൽ ധാന്യം പൊടിച്ച പണവുമായി ബന്ധപ്പെട്ട് പ്രതികളും സുമേശനുമായി തർക്കമുണ്ടാവുകയും, പ്രതികളിൽ ചിലരുടെ അടിയേറ്റ് സുമേശന്റെ തലയ്ക്ക് ഗുരുതരമായി പരിക്കേൽക്കുകയുമായിരുന്നു. സംഭവ ദിവസം വൈകിട്ട് വീട്ടിലെത്തിയ സുമേശന് ടിവി കണ്ടുകൊണ്ടിരിക്കെ ബോധക്ഷയമുണ്ടാവുകയും ഉടൻതന്നെ ആശുപത്രിയിൽ പ്രവേശിപ്പിക്കുകയുമായിരുന്നു. ചാലയിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലിരിക്കെയാണ് സുമേശൻ മരണപ്പെട്ടത്.

Police arrested two more absconding accused—identified as BJP workers—from Makkimala in Wayanad in connection with the assault and subsequent death of Pallikkunnu mill owner Sumesan following a dispute at a wedding reception in Kannur, bringing the total number of arrests in the case to three.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ഇഎംഎസിന്റെ ഇളയ മകള്‍ ഇഎം രാധ അന്തരിച്ചു

സൂപ്പര്‍ മാര്‍ക്കറ്റിനു പുറത്ത് വെടിവെപ്പ്; കാനഡയില്‍ ഇന്ത്യന്‍ വംശജരായ ദമ്പതികള്‍ കൊല്ലപ്പെട്ടു

കാശിയാത്രയിൽ ഇഷ്ടപ്പെട്ട വസ്തു ഉപേക്ഷിക്കുന്നത് എന്തിന്?; പിന്നിലെ ആത്മീയസന്ദേശം എന്ത്?

മറക്കല്ലേ... കൊച്ചിൻ ഷിപ്പ്‌യാർഡിൽ കാന്റീനിൽ ജോലി നേടാം; നവംബർ 24ന് നേരിട്ടെത്തുക

'കുട്ടികൾ ഹൈപ്പർ‌ആക്ടീവ് ആകാൻ കാരണം അവർ കാണുന്ന കാർട്ടൂണുകൾ ആകാം, ഏറ്റവും കൂടുതൽ റിപ്പോർട്ട് ചെയ്യുന്നത് 'വെര്‍ച്വല്‍ ഓട്ടിസം''