ചെറുപുഴ (കണ്ണൂര്‍): കമ്പല്ലൂരില്‍ ഓട്ടോറിക്ഷ നിയന്ത്രണം വിട്ട് മറിഞ്ഞ് യുവാവ് മരിച്ചു. കമ്പല്ലൂര്‍ അമ്പേച്ചാലിലെ നാഷണല്‍ ബോര്‍വെല്‍സ് ഉടമ സജേഷാണ് മരിച്ചത്. 35 വയസ്സായിരുന്നു. ശനിയാഴ്ച വൈകിട്ട് 6.30ഓടെ അമ്പേച്ചാല്‍ ഇറക്കത്തില്‍ സജേഷ് ഓടിച്ചിരുന്ന ഓട്ടോ നിയന്ത്രണം വിട്ട് മറിയുകയായിരുന്നു. കൂടെ ഉണ്ടായിരുന്ന കമ്പല്ലൂരിലെ ഓട്ടോ ഡ്രൈവര്‍ യൂസഫിനെ പരിക്കുകളോടെ പരിയാരം മെഡിക്കല്‍ കോളജില്‍ പ്രവേശിപ്പിച്ചു.