SB Raju. 
Palakkad

പാലക്കാട് ജില്ലാ പഞ്ചായത്ത് പ്രസിഡന്റ് എസ്ബി രാജു രാജി പ്രഖ്യാപിച്ചു; വി പൊന്നുകുട്ടൻ പുതിയ പ്രസിഡന്റ്

Author : സമകാലിക മലയാളം ഡെസ്ക്
Edited By : Damodaran K

പാലക്കാട്: ജില്ലാ പഞ്ചായത്ത് പ്രസിഡന്റ് സ്ഥാനത്തുനിന്ന് എസ്.ബി. രാജു രാജി പ്രഖ്യാപിച്ചു. ഫേസ്ബുക്ക് കുറിപ്പിലൂടെയാണ് അദ്ദേഹം രാജി വിവരം പുറത്തുവിട്ടത്. എസ്.ബി. രാജു ഒഴിഞ്ഞ ഒഴിവിലേക്ക് ജില്ലാ സെക്രട്ടേറിയേറ്റ് അംഗവും പല്ലശന ഡിവിഷനിൽ നിന്നുള്ള അംഗവുമായ വി. പൊന്നുകുട്ടൻ പുതിയ പ്രസിഡന്റായി ചുമതലയേൽക്കും. ഒരു വർഷത്തിനിടെ ഇത് മൂന്നാമത്തെ ആളാണ് ജില്ലാ പഞ്ചായത്ത് പ്രസിഡന്റാകുന്നത് എന്നത് ശ്രദ്ധേയമാണ്.

ആദ്യം ടി.എം. ശശിയായിരുന്നു ജില്ലാ പഞ്ചായത്ത് പ്രസിഡന്റ്. എന്നാൽ ടി.എം. ശശി ആലത്തൂർ എം.എൽ.എ. ആയതിനെത്തുടർന്നാണ് എസ്.ബി. രാജു പ്രസിഡന്റ് സ്ഥാനത്തേക്ക് എത്തിയത്. സി.ഐ.ടി.യു സംസ്ഥാന കമ്മിറ്റിയംഗമാണ് എസ്.ബി. രാജു. പല്ലശനയിൽ നിന്ന് കഴിഞ്ഞ ഉപതെരഞ്ഞെടുപ്പിൽ വൻ ഭൂരിപക്ഷത്തോടെയാണ് വി. പൊന്നുകുട്ടൻ ജില്ലാ പഞ്ചായത്ത് അംഗമായി തെരഞ്ഞെടുക്കപ്പെട്ടത്.

'ജില്ലാ പഞ്ചായത്ത് പ്രസിഡന്റ് എന്ന ഉത്തരവാദിത്വത്തിൽനിന്ന് ഇന്ന് ഒഴിവാവുകയാണ്' - എസ്.ബി. രാജു ഫേസ്ബുക്കിൽ കുറിച്ചു. അധികാരവും പദവിയും ജനസേവനത്തിനുള്ള ഉത്തരവാദിത്വമാണെന്ന വിശ്വാസത്തോടെയാണ് ഈ കാലയളവിൽ പ്രവർത്തിക്കാൻ ശ്രമിച്ചതെന്ന് അദ്ദേഹം വ്യക്തമാക്കി. കാലയളവ് ചെറുതായിരുന്നെങ്കിലും സാധാരണ മനുഷ്യരുടെ ജീവിതത്തെ സ്പർശിക്കുന്ന ആരോഗ്യം, വിദ്യാഭ്യാസം, പരിസ്ഥിതി, ദുർബല ജനവിഭാഗങ്ങൾ തുടങ്ങിയ മേഖലകളിലെ പ്രശ്നങ്ങളിൽ ഇടപെടാനും ജനങ്ങളുടെ ആവശ്യങ്ങൾക്കൊപ്പം നിൽക്കാനും പരമാവധി ശ്രമിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.

Palakkad District Panchayat President S.B. Raju has announced his resignation from the post.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

മറ്റ് സംസ്ഥാനങ്ങളിലേക്ക് കൊണ്ടുപോകാം; തമിഴ്‌നാട്ടിലെ പാറ, മണല്‍ വിലക്ക് നീക്കി മദ്രാസ് ഹൈക്കോടതി

'കൈകേയിയെ വില്ലനായി കാണരുത്'; രാമന്റെ വനവാസത്തിന് പിന്നിൽ ദൈവികമായ ലക്ഷ്യമുണ്ടായിരുന്നെന്ന് ലാറ ദത്ത

'റിമിയെ നന്നായി നോക്കണമെന്ന് കുറേ പേര്‍ മെസേജ് അയച്ചു, ഇല്ലെങ്കില്‍ നിങ്ങളെന്നെ ശരിയാക്കുമെന്നറിയാം'; മനം നിറഞ്ഞ് ലിബിന്‍

2026ല്‍ വിക്കറ്റ് ഇല്ല, '2 പര്‍പ്പിള്‍ ക്യാപ്'; 35കാരന്‍ പേസര്‍ ഗുജറാത്തില്‍!

യുഡിഎഫ് സര്‍ക്കാരിന്റെ വൈദ്യുതി കരാറുകളില്‍ വന്‍ അഴിമതി: ജുഡീഷ്യല്‍ അന്വേഷണം വേണമെന്ന് സിപിഎം