ഇരട്ടക്കുഞ്ഞുങ്ങളുടെ അമ്മയായ വിവരം ആരാധകരെ അറിയിച്ച് നടി നമിത. രണ്ട് ആൺകുട്ടികളാണ് നമിതയ്ക്കു പിറന്നത്. ശ്രീകൃഷ്ണ ജയന്തി ദിനത്തിലാണ് ഇൻസ്റ്റ​ഗ്രാമിലൂടെ താരം സന്തോഷവാർത്ത ആരാധകരുമായി പങ്കുവച്ചത്. ഭർത്താവ് വീരേന്ദ്ര ചൗധരിക്കൊപ്പം കുഞ്ഞുങ്ങളെ എടുത്തുകൊണ്ടുള്ള വിഡിയോയ്ക്കൊപ്പമാണ് പോസ്റ്റ്. 

അനു​ഗ്രഹീതമായ ദിനത്തിൽ സന്തോഷ വാർത്ത പങ്കുവയ്ക്കുകയാണ് എന്നു പറഞ്ഞുകൊണ്ടാണ് വിഡിയോ. ഏവരുടെയും പ്രാർഥനകൾക്കും അനുഗ്രഹങ്ങൾക്കും നന്ദിയുണ്ടെന്നും താരം കൂട്ടിച്ചേർത്തു. ​തന്റെ ഡോക്ടർമാർക്കും മറ്റ് ആശുപത്രി ജീവനക്കാർക്കും താരം നന്ദി പറയാൻ മറന്നില്ല. നടി ഖുശ്ബു ഉൾപ്പടെ നിരവധി പേരാണ് താരത്തിന് ആശംസകൾ അറിയിച്ചുകൊണ്ട് രം​ഗത്തെത്തിയത്. 

നിറവയറിലുള്ള ഫോട്ടോഷൂട്ട് ചിത്രങ്ങൾ പങ്കുവച്ചുകൊണ്ടാണ് ​ഗർഭിണിയാണെന്ന വിവരം താരം അറിയിച്ചത്. 2017 ലാണ് നമിതയും നടൻ വീരേന്ദ്ര ചൗധരിയും വിവാഹിതരായത്. മലയാളത്തിലും തമിഴിലും ഒരേസമയം ചിത്രീകരിക്കുന്ന ബൗ വൗ ആണ് നമിതയുടെ പുതിയ ചിത്രം. ബിജെപിയുടെ തമിഴ്നാട് സ്റ്റേറ്റ് എക്സിക്യൂട്ടീവ് കമ്മിറ്റിയം​ഗമാണ് നമിത.

ഈ വാര്‍ത്ത കൂടി വായിക്കൂ

ഗാങ്സ്റ്ററായി അരവിന്ദ് സ്വാമി, ഒറ്റുകാരനായി കുഞ്ചാക്കോ ബോബൻ; ത്രില്ലടിപ്പിച്ച് 'ഒറ്റ്' ട്രെയിലർ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ