ജയിലറിന്റെ വമ്പൻ വിജയത്തിന് ശേഷം സംവിധായകൻ നെൽസന്റെ അടുത്ത ചിത്രം തെലുങ്കു സൂപ്പർസ്റ്റാർ അല്ലു അർജുനൊപ്പമാണെന്ന് റിപ്പോർട്ട്. നെൽസന്റെ സംവിധാന മികവു കണ്ട് അല്ലു അർജുൻ അദ്ദേഹത്തെ ചർച്ചയ്‌ക്ക് ക്ഷണിച്ചു എന്നും നെൽസൻ പറഞ്ഞ കഥ താരത്തിന് ഇഷ്‌ടപ്പെട്ടുവെന്നുമാണ് സൂചന.

റിപ്പോർട്ട് ശരിയാണെങ്കിൽ പുഷ്‌പ 2 വിന് ശേഷം അല്ലു അർജുന്റെ അടുത്ത ചിത്രമായിരിക്കും ഇത്. ഏറെ ആകാംക്ഷയോടെയാണ് ആരാധകർ ഈ കൂട്ടുകെട്ടിനായി കാത്തിരിക്കുന്നത്. കൂടാതെ തമിഴ് ഇൻഡസ്ട്രിയിലേക്കുള്ള അരങ്ങേറ്റത്തിനായുള്ള ഒരുക്കത്തിലാണ് താരമെന്നും ചർച്ചയുണ്ട്. 
സംവിധായകൻ ആറ്റ്‌ലിയുമായി ഒരു ബി​ഗ് ബജറ്റ് ചിത്രം ചെയ്യാനുള്ള ചർച്ചകളും നടക്കുകയാണെന്നും അഭ്യൂഹങ്ങളുണ്ട്.

രണ്ട് വർഷത്തെ ഇടവേളയ്‌ക്ക് ശേഷം തിയേറ്ററുകളിൽ എത്തുന്ന രജനീകാന്ത് ചിത്രമാണ് ജയിലർ. 600 കോടിയിലധികം  രൂപ ചിത്രം ആ​ഗോളതലത്തിൽ കളക്ഷൻ നേടി. സൺ പിക്‌ചേഴ്‌സിന്റെ ബാനറിൽ കലാനിധി മാരൻ ആണ് ജയിലർ നിർമാണം.

ഈ വാര്‍ത്ത കൂടി വായിക്കൂ

'ഇന്ത്യയില്‍ മകളെ പുറത്തിറക്കാനാവില്ല, പ്രശ്‌നമാകും': ആലിയ ഭട്ട്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ