എംപുരാൻ റിലീസ് ചെയ്തതിന് പിന്നാലെ വിവാദം കൊഴുക്കുന്നതിനിടെ ഫെയ്സ്ബുക്കിൽ മുരളി ​ഗോപി പോസ്റ്റ് ചെയ്ത ചിത്രം സോഷ്യൽ മീഡിയിയിൽ ചര്‍ച്ചയാകുന്നു. മഷിയും തൂലികയും ഉൾപ്പെടുന്ന ചിത്രമാണ് മുരളി ​ഗോപി ഫെയ്സ്ബുക്ക് കവർ ചിത്രമാക്കിയിരിക്കുന്നത്. ഇതിന് പിന്നാലെ നിരവധി ആളുകളാണ് കമന്റുമായി രം​ഗത്തെത്തിയിരിക്കുന്നത്.

'വിറക്കാത്ത കയ്യും, ഒടിയാത്ത നട്ടെല്ലുമായി മുന്നോട്ട്', 'ഹിന്ദുവിനെ ഒറ്റികൊടുത്തവൻ ചരിത്രം വളച്ചൊടിച്ചവൻ', 'തൂലിക പടവാൾ ആക്കിയവൻ', 'മഷി തീർന്നു പോയോ, അതോ ഇനിയെന്തെഴുതണം എന്ന ചിന്തയാണോ?? അതോ മാപ്പെഴുതാനുള്ള തയ്യാറെടുപ്പിലോ?? അതുമല്ലെങ്കിൽ ഇതാണെന്റെ ആയുധം എന്ന് കാണിക്കലാണോ???'- തുടങ്ങിയ കമന്റുകളാണ് ചിത്രത്തിന് താഴെ വന്നിരിക്കുന്നത്.

Empuraan: എംപുരാൻ കാണാൻ തിയറ്ററുകളിൽ തിരക്ക് കുറയുന്നോ? റീ എഡിറ്റ് ബോക്സോഫീസിനെ ബാധിച്ചോ? ആദ്യവാര കളക്ഷൻ ഇങ്ങനെ

എംപുരാന്‍ വിവാദത്തില്‍ വ്യാപക സൈബര്‍ ആക്രമണമാണ് ചിത്രത്തിന്‍റെ അണിയറ പ്രവര്‍ത്തകര്‍ക്ക് നേരെ നടക്കുന്നത്. എന്നാല്‍ ഇതിലൊന്നും തിരക്കഥകൃത്തായ മുരളീ ഗോപി പ്രതികരിച്ചിരുന്നില്ല. അതേസമയം വിവാദത്തില്‍ ഖേദം പ്രകടിപ്പിച്ചു കൊണ്ടുള്ള നടന്‍ മോഹന്‍ലാലിന്‍റെ കുറിപ്പ് സംവിധായകന്‍ പൃഥിരാജും ആന്‍റണി പെരുമ്പാവൂരും പങ്കുവെച്ചിരുന്നു. പ്രതിഷേധത്തെ തുടര്‍ച്ച് ചിത്രം റീഎഡിറ്റ് ചെയ്താണ് ഇപ്പോള്‍ തിയറ്ററുകളില്‍ പ്രദര്‍ശനം തുടരുന്നത്.