മുംബൈ: പ്രശസ്ത സംവിധായകൻ ചന്ദ്ര ബരോട്ട് (86) അന്തരിച്ചു. മുംബൈയിലെ ബാന്ദ്രയിലുള്ള ആശുപത്രിയിൽ വച്ചായിരുന്നു അന്ത്യം. കഴിഞ്ഞ ഏഴു വർഷമായി അദ്ദേഹം ശ്വാസകോശ സംബന്ധമായ അസുഖത്തിന് ചികിത്സയിലായിരുന്നു. അമിതാഭ് ബച്ചനെ നായകനാക്കിയൊരുക്കിയ ക്ലാസിക് ചിത്രം ഡോൺ ആണ് ചന്ദ്ര ബരോട്ടിനെ പ്രശ്സതനാക്കിയത്.

ചന്ദ്ര ബരോട്ടിന്റെ ആദ്യം ചിത്രം കൂടിയായിരുന്നു ഇത്. അമിതാഭ് ബച്ചന്റെ കരിയറിൽ വഴിത്തിരിവായി മാറിയ ചിത്രം കൂടിയാണ് ഡോൺ. ദക്ഷിണാഫ്രിക്കയിലെ ടാന്‍സാനിയയിലാണ് ചന്ദ്ര ബാരോട്ടിന്റെ ജനനം.

പിന്നീട് ഇന്ത്യയിലേക്ക് താമസം മാറുകയും സിനിമയുടെ ലോകത്തേക്ക് കാലെടുത്തു വയ്ക്കുകയുമായിരുന്നു. ഹം ബജ ബജാ ദേംഗേ, പ്യാർ ബാരാ ദിൽ, ആശ്രിതാ തുടങ്ങിയ ചിത്രങ്ങളും സംവിധാനം ചെയ്തിട്ടുണ്ട്. മനോജ് കുമാറിനൊപ്പം അസിസ്റ്റന്റ് ഡയറക്ടറായും ചന്ദ്ര ബരോട്ട് പ്രവർത്തിച്ചിട്ടുണ്ട്.