ഒരുമിച്ചുള്ള ജീവിതയാത്ര തുടങ്ങിയിട്ട് ഒരു വർഷം പിന്നിടുന്നുവെന്ന സന്തോഷ വാർത്ത പങ്കുവെച്ച് സം​ഗീത സംവിധായകൻ ​ഗോപി സുന്ദറും ​ഗായിക അമൃത സുരേഷും. 'ഒരു വർഷം' എന്ന കുറിപ്പിനൊപ്പം ക്ഷേത്ര നടയിൽ കയ്യിൽ പൂമാലയും പിടിച്ച് ​നിൽക്കുന്ന ഇരുവരുടെയും പഴയ ചിത്രം ഇൻസ്റ്റ​ഗ്രാമിലൂടെ പങ്കുവെച്ചു കൊണ്ടായിരുന്നു  ഇക്കാര്യം അറിയിച്ചത്.

എന്നാൽ ചിത്രം കണ്ട് ആകെ ആശയക്കുഴപ്പത്തിലാണ് ആരാധകർ. ചിത്രത്തിന് താഴെ ഇവർ വിവാഹിതരായിരുന്നോ എന്ന തരത്തിൽ നിരവധി കമന്റുകൾ പ്രത്യക്ഷപ്പെട്ടു. വിവാഹക്കാര്യത്തെ കുറിച്ച് താരങ്ങൾ ഇതുവരെ സ്ഥിരീകരണം നൽകിയിരുന്നില്ല. 

​ഗായിക അഭയ ഹിരണ്മയിക്കൊപ്പം ​ഗോപി സുന്ദർ ​ദീർഘനാളായി ലിവ് ഇൻ ടുഗെദർ ആയിരുന്നു. ബാലയുമായുള്ള വിവാഹ ബന്ധം വേർപിരിഞ്ഞതും ​ഗോപി സുന്ദറുമായുള്ള പ്രണയവും അമൃതയെ ​ഗോസിപ്പ് കോളങ്ങളിൽ സജീവമാക്കി. രൂക്ഷമായ സൈബർ ആക്രമണമായിരുന്നു ഇരുവർക്കും നേരെയും ഉണ്ടായത്. ​ഗോപി സുന്ദറിനൊപ്പമാണ് അമൃതയും മകളും താമസം. ​ഗോപി സുന്ദറുമായുള്ള ബന്ധത്തെ കുറിച്ച് സോഷ്യൽമീഡിയ വഴിയാണ് അമൃത പങ്കുവെച്ചത്. സോഷ്യൽ മീഡിയയിൽ സജീവമായ ഇരുവരും ഒരുമിച്ചുള്ള ചിത്രങ്ങളും വിഡിയോകളും പങ്കുവെക്കാറുണ്ട്. 

ഈ വാര്‍ത്ത കൂടി വായിക്കൂ 

'ബുമ്രയുടെ പകരക്കാരന്‍ അല്ല, എന്നെ രോഹിത് ഭയ്യക്ക് അറിയാം'- ആകാശ് മധ്‌വാള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ