മികച്ച കഥാപാത്രങ്ങളിലൂടെ അമ്പരപ്പിക്കുന്ന നടനാണ് രണ്‍ബീര്‍ കപൂര്‍. താരം പ്രധാന വേഷത്തിലെത്തിയ അനിമല്‍ വന്‍ വിജയമായിരുന്നു. എന്നാല്‍ പലപ്പോഴും താരത്തിന്റെ പേര് ഗോസിപ് കോളങ്ങളില്‍ നിറയാറുണ്ട്. ഇപ്പോള്‍ ചതിയന്‍ എന്ന ലേബലില്‍ തനിക്ക് ലഭിച്ചതിനെക്കുറിച്ച് തുറന്നു സംസാരിച്ചിരിക്കുകയാണ് താരം.

പ്രശസ്തരായ രണ്ട് നടിമാരുമായുള്ള ബന്ധമാണ് തനിക്ക് ചതിയന്‍ എന്ന പേര് നേടിത്തന്നത് എന്നാണ് താരം പറഞ്ഞത്. താന്‍ ഇപ്പോള്‍ ആ ലേബലുമായാണ് ജീവിക്കുന്നത് എന്നും താരം കൂട്ടിച്ചേര്‍ത്തു. യൂട്യൂബര്‍ നിഖില്‍ കാമത്തുമായുള്ള അഭിമുഖത്തിലായിരുന്നു താരത്തിന്റെ തുറന്നു പറച്ചില്‍.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഞാന്‍ മുന്‍പ് ബോളിവുഡിലെ കണ്ട് പ്രമുഖ നടിമാരെ പ്രണയിച്ചിട്ടുണ്ട്. അത് ഇപ്പോള്‍ എന്റെ ഐഡന്റിറ്റിയായി മാറി. കാസനോവ, ചതിയന്‍ എന്നീ പേരുകളാണ് ആ ബന്ധങ്ങള്‍ എനിക്ക് നേടിത്തന്നത്. എന്റെ ജീവിതത്തിലെ വലിയ ഭാഗവും ഞാന്‍ ജീവിച്ചത് ചതിയന്‍ എന്ന ലേബലിലാണ്. ഇപ്പോഴും അതുമായാണ് ഞാന്‍ ജീവിക്കുന്നത്.- രണ്‍വീര്‍ പറഞ്ഞു.

ആലിയ ഭട്ടിനെ വിവാഹം കഴിക്കുന്നതിനു മുന്‍പ് നടിമാരായ ദീപിക പദുകോണും കത്രീന കൈഫുമായും പ്രണയത്തിലായിരുന്നു താരം. ഇരുവരുമായുള്ള ബന്ധം പലപ്പോഴും വലിയരീതിയില്‍ ചര്‍ച്ചയാവാറുണ്ട്.