മലയാളികൾ ഒന്നടങ്കം ആഘോഷിച്ച ഒട്ടേറെ പാട്ടുകളൊരുക്കിയ സം​ഗീത സംവിധായകനാണ് ജേക്സ് ബിജോയ് (Jakes Bejoy). മലയാളത്തിന് പുറമേ തമിഴ്, തെലുങ്ക്, ഹിന്ദി ഭാഷകളിലും ജേക്സ് ബിജോയ് സം​ഗീതമൊരുക്കിയിട്ടുണ്ട്. ദുൽഖർ സൽമാൻ നായകനായെത്തിയ സെക്കൻഡ് ഷോ എന്ന ചിത്രത്തിലൂടെ ​ഗായകനായാണ് സിനിമയിലേക്കുള്ള ജേക്സിന്റെ വരവ്.

അടുത്തിടെ പുറത്തിറങ്ങിയ ടൊവിനോ ചിത്രം നരിവേട്ടയിലെ 'മിന്നൽവള കൈയിലിട്ട പെണ്ണഴകേ...' എന്ന ജേക്സ് ബിജോയ് സം​ഗീതമൊരുക്കിയ പാട്ടും സോഷ്യൽ മീഡിയയിൽ ട്രെൻഡിങ് ആയി മാറിയിരുന്നു. മലയാളത്തേക്കാൾ തമിഴിൽ മാസ് പാട്ടുകൾ എഴുതാൻ എളുപ്പമാണെന്ന് പറയുകയാണ് ജേക്സ് ബിജോയ്. കഴി‍ഞ്ഞ വർഷം ദ് ന്യൂ ഇന്ത്യൻ എക്സ്പ്രസിന് നൽകിയ അഭിമുഖത്തിലാണ് ജേക്സ് ബിജോയ് ഇക്കാര്യം പറഞ്ഞത്.

"തമിഴിൽ മാസ് പാട്ടുകളൊക്കെ എഴുതാൻ ഭയങ്കര എളുപ്പമാണ്. മലയാളത്തിൽ അങ്ങനെയല്ല, ഭയങ്കര പാടാണ്. ട്യൂണിനും ബീറ്റ്സിനേക്കാളുമൊക്കെ പ്രധാനമാണ് ലിറിക്സ്. അത് ചിലപ്പോൾ സ്ക്രിപ്റ്റിൽ നിന്നോ സംവിധായകനിൽ നിന്നോ ഒക്കെ വരും. പിന്നെ ഇന്റർനാഷണൽ ലെവലിലുള്ള, അല്ലെങ്കിൽ യങ് ജനറേഷൻ ഒക്കെ കേൾക്കുന്ന തരത്തിലുള്ള ബീറ്റ്സ് വേണം.

'അവിടെയാണ് അവർ സ്വന്തം കുഴിമാടം കുഴിച്ചത്, തട്ടിപ്പുകാർക്ക് ഇതൊരു ശക്തമായ താക്കീതാണ്'; അഹാന കൃഷ്ണ

സംവിധായകൻ ഒരു സിനിമ മ്യൂസിക്കലി ആണ് കാണുന്നതെങ്കിൽ അത് ഭയങ്കര വ്യത്യാസമായിരിക്കും. ഒരുപാട് സംവിധായകർ ഇപ്പോൾ അങ്ങനെ ചെയ്യുന്നുണ്ട്. അൽഫോൻസ് പുത്രനൊക്കെ പ്രേമത്തിൽ ചെയ്തിരിക്കുന്നത് അതാണ്. സം​ഗീതം എങ്ങനെയാണ് ആ സിനിമയിൽ ഉപയോ​ഗിച്ചിരിക്കുന്നതെന്ന് നോക്കിയാൽ നമുക്കത് മനസിലാകും".- ജേക്സ് ബിജോയ് പറഞ്ഞു.